Finfinnee, Hagayya 25, 2017 (FMC) – Magaalaa Finfinneetti dargaggoonni kumni 200 fi kumni 10 ol warqaa ragaa leenjii ‘Itiyoo-Koodars’ fudhataniiru jedhe Biiroon Innooveeshiniifi Teeknooloojii Bulchiinsa Magaalichaa.
Hogganaan biirichaa obbo Awwalee Mahaammad Faanaa Diijitaaliitti akka himanitti, magaalichatti tajaajila si’ataa teeknooloojii ammayyaan deeggarame kennuuf xiyyeeffannoon hojjetamaa jira.
Yeroo ammaa dargaggoonni kumni 400 fi kumni 23 fi 517 leenjii “Itiyoo-Koodars miiliyoona 5” hordofaa jiraachuu dubbataniiru.
Dargaggoonni kumni 200 fi kumni 17 fi 611 ammoo leenjicha haalaan hordofuun waraqaa ragaa fudhachuu ibsan.
Dargaggoonni diinagdee diijitaalaa cimsuu keessatti qooda kan qabu leenjii “Itiyoo-Koodars miiliyoona 5” akka fudhataniif koreen hundaa’ee hojiin hubannoo uumuu hojjetamaa jiraachuus himaniiru.
Haaluma Kanaan sosochii manneen hojii sekteraalee, Biiroleefi kutaalee magaalotaan hojjetameen dargaggoota miiliyoona 1 fi kuma 100 oliif hubannoon uumamuu dubbatan.
Magaalichatti bu’uuraaleen misoomaa teeknooloojii garaagaraa diinagdee diijitaalaa saffisiisuu danda’an hojjetamaa jiraachuus ibsaniiru.
Malaakuu Gaddifiin.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.