Finfinnee, Onkololeessa 16, 2018 (FMC) – Manni Maree Waloo paartiilee siyaasaa Naannoo Amaaraa waltajjii marii magaalaa baaguirdaaritti gaggeessaa jira
Waltajjicharratti Pirezidaantii itti aanaa Paartii Badhaadhinaa Obbo Adam Faaraah, Pirezidaantii Naannoo Amaaraa obbo Araggaa Kabbadaa, Itti Gaafatamaan Waajjira Paartii Badhaadhinaa Damee Naannoo Amaaraa obbo Yirgaa Sisaayi fi qondaaltoonni olaanoo mana Maree waloo Paartiilee siyaasaa fi kanneen biroo argamaniiru.
Waltajjicharratti obbo Adam Faaraah haasawaa taasisaniin, Sirna siyaasaa ammayyeessuun morkii fi tumsa giddu maadala eeguun barbacahiisaadha jedhan.
Morkiin bu’a qabeessii fi fayyaleessi haala siyaasaa fayyaleessarraa kan maddu ta’uu ibsuun, paartiileen hammattoo heera mootummaatti fayyadamuun socho’uu akka qaban ibsaniiru.
Morkiin fayyaleessi akka jiraatuuf paartiileen siyaasaa gahee isaanii bahachuu akka danda’aniifi ajadaalee fedhii ummataa bu’uureeffatan qabatanii akka hojjetan akkasumas seeraa fi qajeelfama hordofuun akka irra eeggamu obbo Adam kaasaniiru,.
Pirezidaantiin Naannoo Amaaraa Obbo Araggaa Kabbadaa gamasaaniin, waltajjiin marii paartiilee siyaasaa giddutti gaggeeffamu shaakalliin ijaarsa sirna diimookiraasii akka babal’atuu fi sirni diimookiraasii cimaan akka guddatu taasisa jedhan.
Dassaalanyi Biraarraatu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.