Finfinnee, Hagayya 23, 2017 (FMC) – Geejjibni Galaanaa fi Loojistiksii Itiyoophiyaa Poolisii Federaalaa waliin ta’uun miseensota Poolisii Qarqara Hidha Guddicha Haaromsa Itiyoophiyaa eeguuf bobba’an leenjisaa turan eebbisiisaniiru.
Sirna eebbaa Akkaadaamii Maariitaayimii Baabbogaayyaa fi Loojistiksiitti gaggeeffameerratti argamuun haasawa kan taasisan Komishinarri Jeneraalaa Poolisii Federaalaa Dammallaash Gabramikaal’eel, leenjichi ulaagaa idil addunyaa eeguun kan kennameedha jedhan.
Hidhaan Guddichi Haaromsa Itiyoophiyaa Adwaa 2ffaa Itiyoophiyaati jechuun ibsan.
Poolisiin Federaalaa fi Raayyaan Ittisaa jalqabaa eegalee hidhicha eegaa turuu kaasan.
Hoji Raawwachiisaa Olaanaan Geejjiba Galaanaa fi Loojistiksii Dooktar Bariisoo Amaloon gama isaaniin, Dhaabbatichi guddina biyyaaf gumaachaa olaanaa bahataa jira jedhan.
Akkaadaamichi ogeeyyii galaanaa gabaa addunyaaf dhiyeessaa akka jirus kaasaniiru.
Damee hundaan bayyanachaa kan jirtu Itiyoophiyaa humni duubatti deebisu hin jiru jechuu isaanii TOI gabaaseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.