Finfinnee, Sadaasa 21, 2018 (FMC) – Taphoota Piriimeer Liigii Ingiliiz torbee 13ffaan taphni har’aCheelsiin Arsenaal keessummeessu xiyyeeffannoo olaanaa argateera.
Kilaboonni lamaan Olaantummaa Magaalaa landan irratti qaban kabachiisuun ala qabxii argamu Addunyaan hawwiin eega.
Jibbiinsa walii hin qaban Waancaa Piriimiyerliigii anis nan falmadha jechuuf wal’aansoo gaggeeffamuudha.
Taphoota ramaddii shaampiyoonsi liigii Awurooppaa Baarseloonaafi Baayermiyuunik injifachuun dandeettii walmadaalurratti argamu.
Garaa garummaa qabxii gidduu isaanii jiru 3tti dhiphisuuf yookaa gara 9tti guddisuuf Istaadiyeemii Istaanfoordi Biriijitti taphni Cheelsiifi Arsenaal gidduutti taphatamu si’oominaan eegama.
Bu’aa bayiiwwan waggoota jahaatiin kilaba waancaaf falmatu Arsenaalin kan ijaare leenjisaan Mikaa’el Arteettaa Cheelsii moo’achuu akka dirqamaatti fudhachuun tapha of eeggannoo qabu daawwachiisuuf.
Maallaqa Doolaara biiiliyeena baasii gochuun urjiiwwan Addunyaa irraa walitti qabuun qindaa’ina uumeen taphoota walitti aansuun moo’atuun cinaatti sochii dinqisiisaan kan faaye Cheelsiin Arsenaaliin injifachuun kilaba waancaa tahuu mirjaneeffachuu barbaada.
Gamtaan gara dirree faallaa kilaba isaanitti imaluun galchiiwwan lakkoofsisu, gamtaan duubatti deebi’anii kan ittisan Arsenaalonni taphoota 18 walitti aansuun taphate tokkos utuu hin moo’amin kan itti fufe Baayermiyuunik injifachuun kilaba Addunyaa maqaa jedhus argatan.
Tapha ramaddii Shaampiyoonsi liigii Awurooppaa Baarseloonaa simachuun 3fi0’n kan injifate dabalatee bara dorgommii kana taphoota gosa hundaa irratti galchiiwwan 41 kan lakkoofsise Cheelsiin ittisa Arsenaal cabsuun galchii lakkoofsisuun shakkiidha.
Neeymar Juuniyer Daasiilvaa booda Biraazilootaaf abbaa kennaawwanii Meesiinhoo jechuun kan waaman Wiiliyaa Estivaa’oo taphattoota ittisaa Arsenaal salphaatti bira darbuun galchiiwwan lakkoofsisuu danda’a tilmaamni jedhus heddummaachaa dhufee jira.
Qindaa’inaan gara fuulduraatti kan imalu Cheelsiin gamtaan ittisuun kan leellifamu Arsenaaliin waliin falmatu irratti Deeklar Raayisimoo Mooyises Kaasiyedootu sarara gidduu ol’aantummaa fudhata gaafiin jedhu daqiiqaa 90 keessatti murtee argata.
Egeree kubbaa Miilaa Addunyaa ni too’ata kan jedhame Laaminee Yaamaaliin kan too’ate Maarki Kuukureellaan Bokaayoo Ayookinkaa Teemidaayoo Saakaa falmiin gaggeessu qormaata biroo jaallattoonni kubbaa Miilaa hawwiin eeganiidha.
Darbii Landan taphoota 11 darban keessaa Cheelsiin tokko qofa milkaa’e.
Arsenaal Istaadiyeemii Istaanfoordi Biriijitti imaleen taphoota jahan darban walitti aansuun taphate tokkos utuu hin moo’amin deebi’e.
Piriimiyerliigii Ingilaandi torbee 13ffaa dilbata sa’aatii 1:30 Istaadiyeemii Istaanfoordi Biriijitti falmii Cheelsiifi Arsenaal gidduutti gaggeeffamu irraa qabxiin argamu gaafii Magaalaan landan kan eenyuti jedhuuf tapha deebii kennuudhaa.
Olyaad Ahmadiin
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.