Finfinnee, Caamsaa 12, 2017 (FMC ) – Tapha qixxeessituu torbee 37ffaa Piriimeer Liigii Ingiliiziin falmiin har’a Maanchiister Siitiin Boornimaawuuz waliin taasiisu ni eegama.
Kilaboonni lamaan har’a halkan sa’aatii 4:00 eegalanii waliin morkatu.
Maanchiister Siitiin taphoota hanga ammaatti taphateen qabxii 65 walitti qabachuun sadarkaa 6ffaarratti argama.
Boornimaawuuz ammoo qabxii 53 walitti qabachuun sadarkaa 11ffaarratti argama.
Tapha biroon sa’aatii walfakkaatuutti Kiristaal Paalaas Woolviis keessummeessa.
Sambata darbe Maanchiister Siitii injifachuun yeroo jalqabaaf waancaa FA kan fudhate Kiristaal Paalaas qabxii 49 walitti qabachuun sadarkaa 12ffaarratti yoo argamu, Woolviis ammoo qabxii 41’n sadarkaa 14ffaa qabateera.
#Oromia #Ethiopia