Finfinnee, Sadaasa 20, 2018 (FMC)- Naannoo Afaaritti naannawaa dhohiinsi voolkaanoo mudate tasgabbaa’eera jedhe Inistiitiyuutiin Ji’ooloojikaalaa Itiyoophiyaa.
Inistiituyuutichi dhohiinsa voolkaanoo guyyoottan dura naannawaa Hayilii Gubaa jedhamutti mudate tasgabbaa’uu Faanaa Dijiitaaliif ibseera.
Daayrektarri Olaanaan Inistiitiyuutichaa obbo Ijaaraa Tasfaayee akka jedhanitti, dhaabbatichi baatii Adoolessaa darberraa eegalee haalota dhohiinsa voolkaanoo akeekan hordofaa, ragaalee walitti qabaafi odeeffannoowwan kennaa akka ture yaadachiisan.
Koreen qorannoo dhohiinsa voolkaanoo Sadaasa 14, 2018 mudate qoratu hundaa’uun naannawichatti qorannoo gaggeessaa akka jiru ibsaniiru.
Haalli naannawichaa tasgabbaa’uu eeruun, hawaasni tasgabbaa’ee hojiisaa akka hojjetu dhaamaniiru.
Hojiin qorannoo qorattoota akkasumas dhaabbilee biyya keessaafi alaa waliin hojjetamaa jiru wayita xumuramu ibsi kan kennamu ta’uus eeraniiru.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo