Finfinnee, Mudde 13, 2018 (FMC) –Nageenyaa fi misooma waaraa Itiyoophiyaa dhugoomsuuf tokkummaa sabdaneessaa mirkaneessuun barbaachisaadha jedhan sadarkaa itti aanaa Ministira Muummeetti Itti Gaafatamaan Giddugala Qindeessa Ijaarsa Sirna Diimookiraasii fi Itti Aanaan Pireezidaantii Paartii Badhaadhinaa obbo Adam Faaraahi.
Tokkummaa sabdaneessummaa Itiyoophiyaa mirkaneessuun yoo hin danda’amne Nageenyaa fi misooma waaraa Itiyoophiyaa dhugoomsuun hin yaadamu jedhan obbo Adam Faarahi turtii Faanaa Miidiyaa Koorporeeshin waliin taasisaniin.
Itiyoophiyaan walitti bu’iinsa keessaa bu’uu kan dadhabde madaala eenyummaa qeenxee fi eenyummaa biyyaalessaa gidduu jiru eegsisuu dadhabuu isheen jechuun ibsan.
Seenessa waloo hunda walitti hidhu ijaaruun waan dadhabameefi jedhan.
Rakkoolee kanneen furuuf tokkummaa sabdaneessaa ijaaruun dirqama ta’ee ibsan.
Tokkummaa sabdaneessaa ijaaruun badhaadhina hundagaleessa, nageenyaa fi misooma waaraa mirkaneessuuf murteessaa ta’uu eeran.
Malaakuu Gaddifiin
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.