Finfinnee, Adoolessa 5, 2017(FMC) – Abbootiin Gadaa Sikkoo Mandoo yaa’iif Hara Laangannoo jiran uummanni nagaa isaa akka eeggatu dhaamsa dabarsan.
Yaa’iin Abbootii Gadaa Sikkoo Mandoo Godina Arsii Lixaa aanaa Arsii Nageellee Hara Laangannoo irratti geggeeffamaa jira.
Sirna waggaa waggaan geggeeffamu kana irratti nagaatu lallabama, dhimmoota hawaas dingdee uummatichaa ilaalchisee ergaatu darba.
Sirna har’a eegalame kana irratti kan hirmaatan Abbootiin Gadaa Sikkoo Mandoo dhimma nagaa ilaalchisee dhaamsa dabrsaniiru.
Sirni Gadaa nagaa labsuun nageenya hawaasa eegsisa jedhan Abbootin Gadaa yaa’ii guyyaa jalqabaa dhaddachaa Guutaa, hara Laangannootti adeemsisaaniin.
Oromoon mari’atee nageenya buusa malee hidhatee bosona seenuun nageenni dhufu hin jiru kan jedhan abbootiin Gadaa Sikkoo Mandoo, qaamoleen nageenya booressan garaa Nagaattii akka dhufan yaamicha dabarsaniiru.
Wal ijjeessuun fafa, duudhaa sirna Gadaa cabsaa waan ta’eef qaamoleen hawaasa kamiyyuu nageenyi qa’ee isaa akka eegamuuf gahee isaa bahuu qaba jechuun dhaamsa dabarsaniiru.
Kululaa Garbichaatu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: ofii
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FBC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.