Finfinnee, Sadaasa 20, 2018 (FMC)- Oromiyaatti mancaatii bosona hir’suun bu’aa argamuu guddisuuf hojjetamaa jiraachuun ibsame.
Abbaan Taayitaa Eegumsaa Naannoo fi Dhaabanni Bosonaa fi Bineensa Bosona Oromiyaa waliin ta’uun haala mancaatii bosonaa hir’isuun danda’amurratti qooda fudhattoota garaagaraa waliin magaalaa Shaashamanneetti mari’ataniiru.
Daayrektarri Olaanaan Dhaabbata Bosonaa fi Bineensa Bosonaa Oromiyaa obbo Araarsaa Raggaasaa wayita kana bosona dhaabbatichi bulchu lafa heektaara miiliyoona 1 fi kuma 800 irratti waldaalee 700 gurmeessuun bosona kunuunsuufi tiksuun fayyadamoo taasisaa jiraachuu himan.
Naannichatti hojiiwwan kunuunsa qabeenya uumamaa cimsuun uwwisni bosonaa naannichaa 29% irraan gahuun danda’amuus eeran.
Itti aanaan Daayirektara Olaanaa Abbaa Taayitaa Eegumsa Naannoo Oromiyaa obbo Boonaa Yaaddessaan gama isaaniin, kunuunsaa fi eegumsa qabeenya bosonaa irratti hojii hojjetameen hawaasni naannawaa bosonaa gurgurtaa kaarbooniirraa fayyadamaa ta’aa jiraachuu ibsaniiru.
Lammaa Tasfaayeetu Gabaasee.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo