Finfinnee, Mudde 8, 2018 (FMC) – Misooma qamadii waktii bonaa hojjetamaa jiruunis guutuu Oromiyaatti hanga ammaatti lafti hektaarri miliyoonni 2.168 ol ta`u faca’eeera.
Inisheetiviwwan adda addaa bocuun wabii nyaataafi misooma diinagdee itti fufiinsa qabu mirkaneessuuf tarkaanfii tarsiimawaan fudhatameera.
Inisheetivii bocaman keessaa tokko misooma qamadii yoo ta`u, Inisheetiviin kun qonnaan bultootaafi abbootii qabeenyaa walitti hidhuun oomisha dabaluufi qulqullina fooyyessuu irratti bu’aa fideera.
Mootummaan Naannoo Oromiyaas cabiinsa diinagdee jiru dandamachiisuun imala badhaadhinaa milkeessuuf rifoormii diinagdee gooroo shan akka biyyaatti ba`an hojiirra oolchuun keessuma gama damee qonnaan misooma qamadii bonaan hojii guddaa hojjechaa jira.
Misoomni qonnaas wabii nyaataa mirkaneessuu bira darbuun oomisha gabaa addunyaarratti barbaadamaniifi dorgomaa ta’an oomishuuf waktii hunda hojjetamaa jira.
Misooma qamadii waktii bonaa hojjetamaa jiruunis guutuu Oromiyaatti lafa hektaara miiliyoona 4 misoomsuuf karoorfame keessaa hanga ammaatti hektaarri miiliyoonni 2.7 ol kan misoome yoo ta’u, hektaarri miliyoonni 2.168 ol ta`u ammoo faca’uu ragaan BKO irraa argame ni mul’isa.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.