Finfinnee, Hagayya 23, 2017(FMC)- Oromiyaatti teeknooloojii addunyaan itti fayyadamaa jirtutti fayyadamuun kunuunsi midhaanii eegalameera jedhe Biiroon Qonnaa Oromiyaa.
Biirichi kunuunsaafi eegumsa miidhaanii akka biyyaatti geggeeffamuun Godina Arsii Aanaa Digaluufi Xiijootti kilaastara Qamadii irratti sagantaa xiyyaaraan Biifaa Keemikaalaa eegalchiiseera.
Hoogganaa Itti Aanaan Biirichaa obbo Dajanee Hirphaa akka jedhanitti, godinichi qonna ammayyaa gaggeessuu keessatti qooda guddaa qaba.
Yeroo ammaa Oromiyaatti teeknooloojii addunyaan fayyadamaa jirtutti fayyadamuun eegaluus ibsaniiru.
Oomishaafi oomishtummaa guddisuun kan danda’amu teeknooloojii ammayyaa yeroon barbaadu fayyadamuun ta’uu himaniiru.
Biyyi keenya hiyyummaafi kadhaa qamadii seenaa taasisuuf hojii hojjechaa jirtuun kabaja kaleessa dhabde akka addunyaatti argachaa jirti jedhan.
Bulchaan Godina Arsii obbo Ibiraam Kadir gamasaaniin, godinichatti bara 2018’tti hojii inisheetivii qonnaa hojjetamaa jiru teeknooloojii fayyadamuun callaa kuntaala miiliyoona 35 ol argachuuf karoorfamee hojjetamaa jiraachuu ibsuu isaanii ragaan Kominikeeshinii Oromiyaarraa argame ni mul’isa.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.