Finfinnee, Ebla 29, 2017 (FMC) –Naannoo Oromiyaatti Xaa’oon Uumamaa Meetirkiyuubiin miiliyoonni 200 fi miiliyoona 50 ol qophaa’uu Biiroon Qonnaa naannichaa ibse.
Bara baajatichatti gabbina biyyee fi oomishaa fi oomishtummaa guddisuuf xiyyeeffannoon hojjetamaa jiraachuu Biirichatti Daayirektarri Fooyya’insa Gabbina Biyyee Obbo Isheetuu Laggasaan Faanaa Diijitaaliif ibsaniiru.
Koompoostii idilee dabalatee xaa’oowwan uumamaa garaagaraa qopheessuuf Qonnaan Bultoota wajjiin walta’insaan hojjetamu dubbataniiru.
Haaluma kanaan bara baajata 2017 hanga ammaatti koompoostiin Meetir kiyuubiin miiliyoonni 200 fi miiliyoonni 50 ol qophaa’uu ibsaniiru.
Qonnaan bultoonni barbaachisummaa xaa’oo uumamaa fayyummaa biyyee fi asiidii ittisuu irratti hubannoo qabaachuun isaanii milkaa’ina qophii koompoostiif gumaacha akka ta’e himaniiru.
Adeemsi xaa’oo uumamaa qopheessuu hanga baati Waxabajjitti kan itti fufu ta’uu eeruun, qonnaan bultoonni koompoostii qophaa’e sirnaan akka itti fayyadaman hubachiisaniiru.
Malaakuu Gaddiftu gabaase.