Finfinnee, Amajjii 29, 2018 (FMC) – Taphoonni Piriimeer Liigii Ingiliiz torbee 25ffaan tapha har’a Liidiis Yuunaayitiid Notiingahaam Foresti keessummeessuun eegalama.
Har’a halkan sa’aatii 5:00 eegalee Liidiis Yuunaayitiid Notingahaam Foresti waliin taphata.
Boru waaree booda sa’aatii 9:30 eegalee morkiin Maanchiister Yuunaayitiid Tootenhaam waliin taasisu xiyyeeffannoo olaanaa argateera.
Kilaboonni lamaan taphoota hanga ammaatti waliin taphatan 193 keessaa Maanchiister Yuunaayitiid yeroo 93 yoo injifachuun, Tootenhaam ammoo si’a 53 injifachuun, taphoota 47 qabxii qooddataniiru.
Yuunaayitiid ga’umsi yeroo dhiyoo as argisiisaa jiru taphichi hawwiin akka eegamu taasiseera.
Sa’aatii 12:00 jalqabee taphoonni 5 kan taphataman yoo ta’u, Fuulhaam – Eevartan, Barnileey – Weest Haam, Arsenaal – Sandarlaandi,Woolviis – Cheelsii, akkasuma Boornimaawuuz Astoon Viilaa waliin taphata.
Arsenaal dursummaa isaa cimsachuuf morkiin taasisu ni eegama.
Galgala sa’aatii 2:30 eegalee Niwuukaasiil Bireentifoordi waliin morkata.
Dilbata waaree booda sa’aatii 11:00 jalqabee Biraayitan – Kiristaal Paalaas waliin yoo taphatu, galgala sa’aatii 1:30 eegalee taphni Liiverpuul Maanchiister Siitii keessummeessuun tapha akkaan eegamuudha.
Kilaboonni lamaan taphoota hanga ammaatti waliin taphatan 195 keessaa Liiverpool yeroo 92 yoo injifatu, Siitiin si’a 53 injifachuun, taphoota 50 ammoo qabxii qoodataniiru.
Liiverpool yeroo amma ga’umsa gaariirratti argamuun Maanchiister Siitiitti qormaata olaanaa ta’uu akka danda’u xinxaaltoonni kubbaa miilaa yaada isaanii kaa’aa jiru.
Siifan Magarsaatiin
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.