Seenessi Afrikaa Afrikaanotaan addunyaaf ibsamuu qaba-Hayyoota

Finfinnee, Hagayya 23, 2017(FMC)- Hayyoonni Gaazexeessummaafi Kominikeeshinii Seenessi Afrikaa Afrikaanotaan hawaasa addunyaaf ibsamuu qaba jedhan.

Yaa’iin idil-addunyaa Faanaa Miidiyaa Korporeeshin, Yuunivarsiitiin Kominikeeshinii Chaayinaafi Inisheetiiviin Konistiraaktiiv Joornaalizimii Paan Afrikaa waliin ta’uun qopheessan Finfinneetti gaggeeffameera.

Gorsaan Hojii Raawwachiisaa Olaanaa Faanaa Miidiyaa Korporeeshin Daawwit Masfin waltajjicharratti akka jedhanitti, miidiyaaleen furmaata, hanqinaafi ka’umsa rakkoo ifoomsuurratti xiyyeeffannoon hojjechuu qabu.

Miidiyaaleen haala Kanaan yoo hojjetan bifa biyyaa guutuu ta’e agarsiisuu akka danda’an eeran.

Yuunivarsiitii Kominikeeshinii Chaayinaatti barsiisaafi qorataan hariiroo idil-addunyaa Piroofeesar Zhaangi Yaaginchiwu gamasaaniin, adeemsa Chaayinaa cimtuufi badhaate dhugoomsuu keessatti gaheen miidiyaalee olaanaa akka ture yaadachiisan.

Miidiyaaleen Itiyoophiyaa ajandaalee tokkummaa cimsan, waliin jireenya uummataa jabeessan fi faayidaa biyyaalessaa kabachiisan irratti ejjennoo waloo qabaachuu akka qaban hubachiisaniiru.

Haala Kanaan ijaarsa biyyaaf qooda olaanaa bahachuun akka danda’amus kaasaniiru.

Hayyoonni Yuuniivarsiitiiwwan Itiyoophiyaa, Taanzaaniyaa, Chaayinaafi biyyoota biroo waltajjicharratti hirmaatanis seenessa Afrikaa Afrikaanotaan uummata addunyaaf ibsuun barbaachisaa ta’uu dubbataniiru.

Kanaaf ammoo miidiyaaleefi gaazexeessitoota sadarkaa idil-addunyaatti dorgoman horachuun akka barbaachisu eeran.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.

Comments (0)
Add Comment