Finfinnee, Hagayya 25, 2017 (FMC) – Sheek Sulxaan Amaan Eebbaa Pireezidaantii Mana Maree Olaanaa Dhimmoota Islaamummaa Magaalaa Finfinnee ta’uun filatamaniiru.
Filannoon Hojii Raawwachiistuu Mana Maree Olaanaa Dhimmoota Islaamummaa Magaalaa Finfinnee guyyaa har’aa gaggeeffameera.
Sheek Sulxaan Amaan Eebbaa Pireezidaantii Mana Marichaa ta’uun wayita filataman Sheek Mahaammad Shariif ammoo Pireezidaantii Itti aanaa ta’uun filatamaniiru.
Dabalataanis Sheek Habuudin Nuuraa Barreessaa ta’uun filatamuun isaanii ibsameera.
Manni Marichaa filannoo oodiitiifi inispeekshiniis kan gaggeesse yoo ta’u miseensota mana maree waggoottan shanan itti aananitti hawaasa musiliimaa dameewwan shaniin bakka bu’an filateera.
Filannoon Hojii Raawwachiistuu Mana Maree Olaanaa Dhimmoota Islaamummaa Magaalaa Finfinnee guyyaa har’aa xumurameera.
Jamaal Ahimadtu Gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.