Finfinnee, Hagayya 23, 2017 (FMC) – Afrikaatti Sirna Faayinaansii fayya qabeessa ta’e ijaaruuf hirmaanaa damee dhuunfaa guddisuun murteessaadha jedhan Ministirri Ministeera Maallaqaa obbo Ahimad Shiideen.
Walgahiin garee Ogeeyyii Olaanaa 50ffaa, Mana Maree Ministirootaa 25ffaafi Waltajjiin Marii Mootummaa fi Dhuunfaa 8ffaan Garee Farra daddabarsa Maallaqa seeraan alaa Afrikaa Bahaa fi Kibbaa Finfinneetti taa’amaa jira.
Yakka maallaqa karaa seeraan alaa daddabarsuu fi waliin dhahuu, akkasumas shororkeessummaa maallaqaan deeggaruu ittisuuf biyyoonni miseensa garichaa hundi gahee isaanii sirnaan bahachuu akka qaban obbo Ahimad Shiideen walgahicharratti haasawa taasisaniin ibsaniiru.
Daddabarsa maallaqa seeraan alaa fi shororkeessummaa maallaqaan deeggaruu ittisuun nageenya naannawichaa mirkaneessuun Invastimantii hawwachuuf qooda olaanaa qabaachuu kaasan.
Biyyoonni miseensa garichaa hojii gaarii hojjetanis hanqinni jiraachuu ibsan.
Tumsa mootummaa fi damee dhuunfaa cimsuun tokkummaa naannawichaa jabeessuun murteessaa ta’uu eeran.
Itiyoophiyaan mul’ata garichaa milkeessuuf qooda ishee sirnaan kan baatu ta’uu mirkaneessan.
Tumsaa fi waloon hojjechuu caalmaatti cimsitee itti fufti jedhan.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.