Finfinnee Qaammee 3, 2017 (FMC)- Sudaan Kibbaa Hidha Guddicha Haaromsaarraa Anniisaa argachuuf yeroo dhihootti Waliigaltee ni mallatteessiti jedhan Pireezidaantiin biyyattii Saalvaa kiir Maayaardiit.
Pireezidaantichi sirna eebbaa Hidha Guddicha Haaromsaa Itiyoophiyaarratti argamuun ergaa dabarsaniin, Afrikaarraa isa jalqabaa kan ta’e Hidhi Haayidiroo Elektirikii ijaarame xumuramuutti baga gammadan jedhan.
Hidhichi Itiyoophiyaarra darbee biyyoota naannawichaa fayyadamoo anniisaa kan taasisu ta’uu eeruun, dhiheenyattii biyyi isaanii waliigaltee anniisaa elektiriki argachuuf dandeessisu ni mallatteessiti jedhan.
Kunis hanqina anniisaa Elektirikii Sudaan Kibbaa Manneen Barnootaa, Hospitaalootaa fi magaaloota keessatti mul’atu kan furuu ta’uu ibsuun, Hidhichi Ummata Sudaan Kibbaaf boqonnaa haaraa kan banuu ta’uu eeran
Akkasumas hidhichi biyyoota lameen bu’uuraalee misooma anniisaan walitti hidhuun fayyadamummaa diinagdee kan guddisu ta’uu dubbataniiru.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.