Finfinnee, Sadaasa 21, 2018 (FMC) – Qopheessummaa Itiyoophiyaan taphatamaa kan jiru taphoonni gulaalii waancaa biyyoota Bahaa fi Giddugaleessa Afrikaa xumuramuuf guyyoota 4 qofatu hafe.
Taphni biyyoota 10 hirmaachise kun Finfinnee fi Dirre Dhawaatti taphatamaa tureera.
Itiyoophiyaa, Keeniyaa, Taanzaaniyaa fi Ugaandaan biyyoota tapha walakkaa xumuraaf darbaniidha.
Biyyoonni kunneen waancaa Afrikaaf darbuuf falmiin taasisan ni eegama.
Biyyoonni 1ffaa hanga 3ffaa bahan kallattiin waancaa Afrikaaf darbu.
Falmiin har’a gareen kubbaa miilaa biyyaalessaa Itiyoophiyaa umrii waggaa 17 gadii gita isaa Ugaandaa waliin taasisu ni eegama.
Jeeddalooni Diimtuun taphoota 4 taphataniin 3 injifachuun 1 qixa bahuun qabxii 10 walitti qabachuun tapha walakkaa xumuraaf darbuun kan yaadatamudha.
Tapha har’a waaree booda sa’aatii 9:00 eegalee Istaadiyeemii Abbabaa Biqilaatti taphatamu kana kan injifate waltajjii guddaa Afrikaaf darbuu mirkaneeffata.
Tapha kana dursee guyyaa sa’aatii 6:00 eegalee morkiin Taanzaaniyaa fi Keeniyaa gidduutti gaggeeffamus xiyyeeffannoo argateera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.