Finfinnee, Qaammee 3, 2017 (FMC) – Xumuramuun Hidha Guddicha Haaromsaa Itiyoophiyaa faayidaa biyyaalessaa kabachiisuuf wanti nu daangessu akka hin jirre agarsiiftuudha jedhan Ministir Deetaan Tajaajila Kominikeeshinii Mootummaa obbo Kabbadaa Deessisaan.
Abbayyaa misoomaaf osoo hin oolchin hanga ammaatti turuun gaabbii bara dheeraa Itiyoophiyaanotaa ture jedhan.
Gaabbii kana jijjiiruuf lammiileen Itiyoophiyaa fi dhalattoonni Itiyoophiyaa tokkummaan qabeenyaa fi dandeettii ofiin Hidha Guddicha Haaromsa Itiyoophiyaa ijaaruu danda’uu himan.
Xumuramuun ijaarsa Piroojektichaa lammiileen Itiyoophiyaa yoo tumsaan hojjetan faayidaa biyyaalessaa kamiiyyuu kabachiisuu akka danda’an mirkaneessituudha jechuun eeran.
Mootummaan badhaadhina dhugoomsuuf piroojektoota misoomaa akka Hidha Haaromsaa hedduu hojjechaa jiraachuu kaasan.
Lammiileen biyyattii gara fuulduraattis hojiilee faayidaa biyyaalessaa mirkaneessanirratti hirmaannaa isaanii akka cimsan gaafatan.
Hidhichi Itiyoophiyaa qofaaf osoo hin taane Afrikaaf illee fakeenyaa olaanaa ta’uu dubbatan.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.