20 Milliyonih Num Edde Yangaluwa Ayatullahi Qali Magaq….

Addis Ababa,Waysuk 26,2018 (FMC) Iraanak Dumaahi Naharsi Saqal Ayatullah Qali Kameneh Magaq Beerak Akkelem Yescessen.

Tama Magaqat 20 Milyoonuuk Daga Takke Ummatta Kee 100 Daga Takke Baaxooxah Awlaytit Edde Angalele Axcuk Qambaalan.

Tahraan Ta Caalatal Ameerika Kee Israa’iil Maysattaka Abeka Tekkek Caneh Kaxxam Gibdih Tan Maysattaka Akkelem Qaddosse.

Ayatollah Qali Khamenei 36 Sanatah Baaxo Miraacisak Sugem Taturte Alsitteh Addat Israa’el Kee Ameerikah Iraan Lih Abteh Tan Carbit Qideenih Sugeenimi Tamixxige.

Tama Baaxok Fanti Komandih Saqalah Yan Qali Qabdullahi Iyyemihi Ameerika Kee Israa’el Ta Uddur Iraanal Maysattaka Abtam Gibbattek Gibdah Tan Gabagacsi Maysattaka Abelem Diggose.