300 Maaddah Tan Tittikiyeh Tan Ciwaacat Qande Kalali Qandek Kilbatti Ayroh Culmah Macaxul Gaba Tece

Addis Ababa,Qunxa Garabluk 08,2019 (FMC) Ganuununuk Iroh Tan Ciwaacatak Qeebi Bica Cinak 300 Maaddah Tan Tittikiyyeh Tan Ciwaacat Qande Tekezeh Katuk Geytimtah Tan Kilbatti Ayrô Culmah Iizil Gaba Tecem Qaddosen.

Ayrô Culmah Difaaqak Tekezeh Katuk Baxsale Aracak, Tekezeh Holholuk Migda Kee Guri Katuk Iiz Qandeh Gaba Teceh Tan Ciwaacat Qande Itiyoppiyah Naqboyta Akkuk Tigray Ayyunta Qidadk Sugteh Tan Shaqbiyya Kee Tsemxo Axcuk Ginen Kobox Tigray Ayyunta Anfiqe Sinnim Ta Qande Tescesse.

Tah Cedak Dariifal Geytimtah Tan Kalali Qandelluk Ginen Angaarawal Walalak Gita Missoysak Gaba Yaceenim Xiqqimtem Yiysixxigen.

Tigray Ummattah Essero Elle Tanfiddigem Silac Akke Sinnim Cedak Gaba Teceh Tan Tittikiyye Qande 280ak Takke Baxaabaxsale Silaacitte Kee Dokmentitte Gabat Luk Culen.

Isinni Esserimiyyak Yaysisllimoonuh Salaamak Yan Tigray Qunxaaneyta Afkuuquh Beyak, Qeebi Gadda Abtuh Taamittah Tan Garaaqah Tan Ciwaacat Miroctih Fayxi Sadaanah Yaniinim Qaddosen.

Caylah Qeebih Culseenih Yanin Tigray Qunxaaneyti Tah Cedak Wakti Kee Arac Keenih Missowtek Gaba Yacoonuh Bical Geytimaanam Kalali Qandeh Mixxiyak Geyne Oyti Yascassen .