49Heele Afrikah Eglak Taama Selta Malah Buxah Kobox Addis Ababal Gexsitam Qimbise
Addis Ababa,Ditelik 21,2018 (FMC) 49Heele Madab Kobox Afrikah Eglak Taama Selta Makadoh Malah Buxah Kobox Asaakih Ayro Addis Ababal Qimbisen.
Ditelik 21 Ila 22 Sanat 2018 Afrikah Inkiinok Kutbe Buxal Gexsitele Namma Ayroh Gideh Gexsitele Axcuk Qambaalan Baxaabaxsa Le Inkiinok Adoytiitih Tan Baaxooxak Iroh Caagiidah Malaakitte Kee Fayya Le Caddoh Awlaytit Edde Tengelem Qarangubal Daddos Kee Qokol Ajenxal Walal
Asanatih Daffeyna “Ajenxa 2063 Hadaf Arac Xcisoonuh Sarrimanele Leeh Xayyos Kee Saytunaaneh Nagaytaniina Yasmiteenim” Inta Itrol Gexsitak Geytima.
Ta Daffeynal Sanat 2063 Ajenxa Abinosaanam Kee Sanat 2026 Afrikah Inkiinoh Mabla Akah Abnisan Innah Abak Geytimaanam Kee Tonnah Kaadu Inkiinoh Sittin Geyittee Kee Madqa Silaacitteh Faticisso Kee Abnissoh Gexsit Wagsiisak Gabbaaqu Abeloonu Axcuk Qambaalan.