“Faydá Sayyoh” Iyya Ammuntal Maglablela Luk Ugugus Gudgud Gexsen

Addis Ababa,Agda Baxisso 7,2018 (FMC)  Rakaakay Caddol “Faydá Sayyoh”Iyya Ammuntal Uguugus Gudgud Samara Magaalal Gexsen.

Rakaakayak Sayyo Kee Ayyuntiino Caagiidah Biiroh Koobaahissol “Faydâ Sayyoh” Iyya Ammuntal Rakaakay Caddol Uguugus Gudgud Samara Magaalal Gexsen

Tama Gudgudul Rakaakayak President Kutbeh Buxa Saqal Gifta Amin Macammad Baxaabxsa le Sekter Biiroorak Yewqe Sayyo Miraaciinuuy Kee Maglablela Edde Tengele.

Tama Gudgudul Geytimak Yabti Fakkenta Abeh Yan Rakaakayak President K/buxa Saqal Gifta Amin Macammad iyeemih “Fayda Mamaxaga” Yayaqeenim Agat Baxini Dirki Kinnih Taninm Kasisak Dijital Ittyiopia Ginnimtuh issikkeh Doori Leh Tanim Yescesse.

Ciggilak Rakaakayak Sayyo Kee Ayyuntiino Caagiidah Biirok Saqla Gifti Faatuma Macammad inteemih Fayda Sayyoh Mamaxagak Muxxi Tuxxiiq leh Tanim Ascassuuk Sayyo Faxe Rikel Fayda (Xijtaal Mamaxxaga Tayyaaqem Faxxintah Tanim Tescesse.

Tama Ugugusul Rakaakay Caddol Foocah 350 Alfi Takke Alaaqa Mamaxxaga Kah Yayyaaqen Innah Abeloonum Gifti Faatuma Macammad Diggosse.

Gudgudul Tengeleh tan Sayyo Xijtaal Mamaxxaga (Fayda) Xayi Waktih addat Ayyaaquk Doolat Teceeh tan Afkan Aracat Haak Isinni Dirkik Awqelonuh Yaninim Qaddoysen.