Rakakyak Bacaar Takke Magaalol Xinissol Koora Inki Fanteenah Sissikuk Akah Qimbisan Innah Afkan Yomcowwe

Addis Ababa,Kaxxa Garabluk 7,2019 (FMC) Qafar Rakakayih Caddol 8 Takke Magaalol Xinissol Koora Inki Fanteenah Sissikuk Akah Qimbisan Innah Afkan Yomcowwem Qaddosen.

Bacra magaalah xinisoosal KOORA inki fanteenah xisnek xayi udduurut gaba kaloonuh Magaalol xinisoosah Saqolti Xagni-sittingeih feera wara Aben.

Ayyunti doolat rakissok, geyam faxxiimah yan Ayfaafitte sissikiih maxxat le gurral qidinooy, Qadliino le gital obay eweq sinnim xijjitaalak yan gital inki aracal geyoonuh Doolat inki fanteenah ayfaf rakaakayaay, ilaa magaala xiinissoosa fan baarisaanah abbinoysak geytimtam Tamixxige.

Tahaak ugut abak Rakaakay caddol geytimta 8 takke magaalah xiinissoosa namma gexah inkih Koora inki fanteenah xisne kee taamah faxxiima tamsisso siiratih abinat culeenih Geytiman.

Bacra (8) magaalah xiinissoh caddol KOORA inki fanteenah xisne wagittaamal magaala xinisoosah saqolti luk Amolladih yambulle coocal baar le walal kee agaarad Yekke.

Ellecabol Cajji Awwal Qarba yeceh yan afkanaak ugutak Bacra magaalah xiinisso luk Qafar Agatih Rakaakayih Doolatak Xiinissoh Abbah Kutbeh Buxak C/Saqal Gifta Nuur Taahir Taaha, 8 Magaalah Xiinissoh saqoltillih KOORA inki fanteenah Xisnek gaba kalak, Ayfaf mattaco inki fanteenal sissikuk qimbisoonuh keenih yeceen uddurul gaba kaloonuh xagani-sittingeyih feera war ken absiisak Akah yibbixen uduural gaba Akah kalan innah digga le Afkan keenih yaceenimih taama tekkem Rakakayak Angaaraw Biiroh Oyti Baxxaqse.