Barittô buxak Maaqiddi ayroh Qaffayda Samaral gexsen.

Addis Ababa,Caxah Alsa 30,2018 (FMC) Afrikak 11 tô addah Baritto buxah Maaqiddih ayroh Qaffayda “Inkih tan Barittoh Buxaaxil Maaqiddi investmentik sarriimaane kee Maaqiddi Caabi diggoysenno.” Inta itrol Efederik Baritto malaak kee Rakaakayak Barittô Biiroh kobaahisol Samarak qasbo xaa Naharsi caddoh barittoh buxal Qax Meqe gurral Yessekexxen.

Tama Qaffaydah aracal, Rakaakayak Barittô Biirok Naharsi Saqal, fakkenti yaabal Unkaq Afrikak 11 tô addah Baritto buxak Maaqiddih ayroh Qaffayda Samara magaala fanah muquk temeeteenim, iyyeek lakal Efederik Barittô Malaak barteenit Maaqidda Xayyosnuh abak geytimnah tan taama ahaak afal abaluk nuybuleeh nan aki Rakaakayitteh ceelallo takke taamal nee doorak ta Qaffayda ni Rakaakayal nessekexxeemih kulsale Gadda keenih gacisa iyye.

Ciggiilak Rakaakayak Ayyuntiino Kilasterih Saqal kee Qaadaay Qunxaaneytaa kee Isporti Biirok Naharsi Saqal, Massakaxxale Caamid Duula abeh yan yaabal iyyeemih barteenitih Maaqidda Xayyoysaanamih taama baritto Siiratal kaxxa doorile taama kinnim kee dudda Ciggilta hora ginoonuh qokol takke taama iyye.

Tohuuk, lakal Efederik Barittô Malaakak Amoladi Baritto luddih Minister xeeta Gifti, Ayyelechi Ishete abteh tan yaabal inteemih Qafar Rakaakay kee Qafar Rakaakayak Barittô Biiro barteenitih Maaqidda xayyossuh Dubte daqaaral abteh tan Buqre taama kee Baritto buxaaxi kaadu sinni daala, gosoh addal sinni barteenit yaskamoonuh abak getimaanah yanin kulsale lee ceelallo takkem xiqta taama nubleek lakal Qaffayda takkel abnu xiqneeh fooca fan kaadu Qafar Rakaakay tayseh tan abeleemil kibal liyo inte.

Tama Qaffayda elle yassekaxxen Qasbo xaahi Barittoh buxal Maaqiddi Taddeera kee kalah Biiro burqre luddal abteh tan tamoomi qibina yaybuleenimih taama abak, Qaffayda meqe gurral yessekexxen.