Tigray Rakaakay Caddol Qunxa Garabluk 16 Baritto Qimmisele.

Addis Ababa,Qunxa Garabluk 12,2019 (FMC) Bartaanah Barsiyyi Gexsit Qunxa Garabluk 16,2019 Qimmiselem Tigray Rakaakayak Barittô Biiro Qaddosse.

Tigray Rakaakayak Xiinissoh Saqolti Mekele Magaalal Geytimta Atse Yohannes Amolladih Nammey hayto Caddoh Barittoh Buxat Gufne Aben.

Ta Gufneh Hadaf Barittô Buxal Tanih Tan Caalat Wagittaanam Kee Madabiinoh Barsiyyaa Kee Barsiyyi Taamoomi Qimmisoonuh Yekkeh Yan Bicitte Wagitaanamak Sugte.

Ciggiila Saqolti Barseenit Kee Barittô Buxaaxi Xiinissoh Dagaritte Lih Baxaabaxsa Le Caagiidal Walal Gexsen Afkan Daffeysen.

Ta uddur, Barseenit kee Xaleyna Barittô Gexsit Meqennal Akah Gexannah Abaanam Faxximtam Wagssisak Seeco Xayyoosen.

Baritto gexso qagitak qimbiseenik barteenit barittô buxaaxih akah yadaaroonu xiqan innah cato takkem kee qawwalaylah sabbatah raaqeh sugeh yan barittô ayfaafitte bisoh akah diggoosan innah qokol akkelem qaddoysen.

Barseenit Barteynit Meqennal Akah Geytannah Kee Baritto Bisoh Akah Gexsan Innah Xaleyna Barittô Buxa Fanah Yadaareenimih Qokol Abaanam Faxximtam Kassiise.

Tigrayak Barittô biiro qunxa garabluk 16/2019 itleeniik xabba haanam inkih tan barittô buxaaxil bicak gaba kalteh madab barittoo kee barsiyyi taama qemmiselem tigray barittoh biiro tiysixxige.

Biiro barseenit kee barteynit gulgulussok gaba kalla heenih keenih yeceenih yanin barittoh buxaaxil baritto qemmisoonuh gulguluh gacaanam faxximtam seeco xayyosse.