Naharsí Saqal Cajji Awwal Qarba Elle Doorimah Yan Doorô Fanteenal Maysaqarra Abe
Addis Ababa,Caxah-Alsak 30,2018 (FMC) Qafar Rakaakayak Naharsi Saqal Massakaxxa Le Cajji Awwal Qarba Elle Doorimah Yan Sifrâ Daqaarak ‘Qasa Xaa’ Doorô Fanteenal Asaakî Macsenta Maysaqarra Abak Dooro Karxi hirge.
Baaxo Caddol Caxah-Alsak 28,2018 Xabba-haanam Itiyoppiyah Ummatta Dooro Fanteenaanil Geytimaak Dooro Karxi hirgoonuh yewqe gexsitil Maysaqarra abak geytiman.
Too Taddeerak Tiyak Teenah Tan Taddeerah Rakaakayak Naharsi Saqal Massakaxxa Le Cajji Awwal Qarba Elle Doorimah Yan Awsi Rasuk Sifrâ Daqaarak Qasa Xaa Doorô Fanteenal Ummatta Luk Gacak Maysaqarra Abaanamih Taddeera Gexse.
Dooro Ximokraasih Gital Abak Baaxo Miraacissa Doolat Xisaanam Ximokraasi Dadalah Isikkeh Doori lem Yescesseh Yan Masskaaxxa le Cajji Awwal Qarba Ummatta Isinni Doolatih Xisot Gaba Tassagallem Faxxintam Ascassuk Dooraanaah, Doorimaanam Baaxô Baxiiní gar Kinnih Tanim Kassiise.
Taturte Milaagi Malcina Sanootah Doolat Kee Parti Ummattah Culteh tan Xagani Arac xagak temeetem diggoyseh yan Naharsí Saqal Cajji Awwal Qarba Raqteh tan Caagiida Kaaduk Elle Faxxintannal Abbinoosoonuh Leedâ Parti Masquuliyyat Beyak Assakat le Maaqattooti Beyak Geytintam Diggoose .
Baaxo Caddol Agatak 7 Heele Amoladi Dooro Laqin-Alsak 24,2018 Gexsitele Axcuk Qambaalan.