Itiyoppiyah Addal Calli Akah Geewan Essero Kee Cawlaya Mayan -P/r Mesfen Araya

Addis Ababa, Qado Dirrik 2,2018 (FMC) Itiyoppiyah Addal Mabbalowul Afdige Sinnon Essero Takkay Cawlay Anewam Baaxok Mabbalow Komishinik Naharsi Komishiner P/r Mesfen Araya Qaddose.

Komishiner Fana Miixiyah Korporeeti Lih Abeh Yan Walalal Iyyemihi Ta Komishin Aham Fanah Gexeh Yan Ajenxa Gaaboysaanam Kee Fokkaqisanamih Gexsitili Itiyoppiyah Addal Calli Akah Geewan Essero Kee Cawlaya Anewam Tascassem Kinnim Baxxaqse.

Ugutteh Tan Taqabitte Itiyoppiya Isih Raddi Elle Tacem Duddam Ascassuk Tohu Ayyunti Mabbalowak Walalal Yafdigeenim Duudanam Kinnim Qaddosak Inki Inki Esseroora Away Tadaarem Duudewaytamah Isi Uddurul Fakkimelemit Yaabe .

Tama Komishin Gersi Baaxooxah Abak Raagak Bariteenim Kee Aracat Gactam Duudemiwayte Mabbalowittek Sababah Adda Kee Iroh Gabah Assagolla Kinnim Qaddoose.

Tigray Rakakayal Sidoc Takke Siyasa Missoynaani Isinni Ajenda Agatak Mabbalow Komishinil Tabisseh Tanim Ascassuk Tigray Rakakayal Tan Ummatta Walal Kee Caagida Salamal Fakanamih Fayxi Leh Tan Ummatta Kinnim Baxxaqse.

Tonnah Amara Rakakayal Angicilluk Geytimta Butta Le Gaadih Butta Ajenda Agatak Mabbalow Komishinik Tavseenib Yaninim Ascassuk Butta ke Gaadul Angicilluk Geytimta Butta Salaam Doori Oggolak Salam Gita Akah Dooritan Innih Seeco Tatruse.