2 Ximmoy 32 Billiyonih Birrit Xaamen Buqre Silacitte Rakakayitteh Yecen

Addis Ababa, Qado Dirri 13, 2018 (FMC) Buqre Malaak Baxabaxsale Qokol Eglaalih Catot 2 Ximmoy 32 Billiyonih Birrit Xaamen Buqre Silacitte Rakakayittel Tabsen.

Buqre Malaak Addisu Aregga Tama Aracal Iyyemihi Buqre Ludda Nagay Akah Dadlisan Innah Wagiitah Tan Xagirti Lih Cattimak Sittallih Taamitak Geytimanam Qaddose.

Yekkeh Yan Qokol Murti Dadlisanamay maaqiddak Isinni Akah Xiiqan Innay Maaqiddi Caabi Isinni Akah Diggosan Innnih Macal Diggosoonu Kinnimit Yaabe.

Rakakayitteh Tomcowweh Tan Silacitte 63 Tirakterittey,71 Birikterittey,150 Takke Ruuz Missosih Mashinittey,4 Tekke Mango Lana Tabbixe Sandugittey,5 Takke Baaxoh Addah Lee Edde Hirigan Lee Mayyaqah Mashinitte Kinnim baxxaqsen.

Osootinah 460 Ayoh Caylal Taamitta Leeh Hirigiyyih Pampittey,15 Takke Makayinittey,243 Motor Saykilittey,Tonnah 980 Takk Deski Toppittey Kee Laptoppi Kombiyoteritte Kinnim Yescessen.