Itiyoppiya Kee Faransa Salaam Dacayrih Luddal Loonuh Yanin Istraateejik Yan Angaaraw Diggoysoonuh Sittin Gey Aben.
Addis Ababa Qado Dirri 19,2018 (FMC) Itiyoppiya Kee Faransa Salaam Dacayrih Luddal Loonuh Yanin Nammay Takkoh Qokol Istiraateejî Fantaaxaw Fanah Dadlisoonuh Namma Baaxoh Feera Wara Daffeesak Sittin Gey Abeenih Yaniinim Qaddoosen.
Kalali Qandeh Malaakah Tan E/R Qysha Macammad Kee Itiyoppiyak Faransah Ambasadderih Tan Aleksis Laamech Sittin Gey Aben.
Tama Sittin Geyik Lafa Le Hadaf Tiyoppiyak Kalali Qandeh Adoytiitik Salaam Dacayrih Missoynaanih Addat Lonu Doori Dadlisaanam Baad Caddol Dudda Maqarroosnu Kinnim Qaddoosen.
Ta Sitingeyik Ugut Abak Baadak Salaam Qokolih Aydakaakan Institute (Ipsti) Kee Contingent Aydakaakan Barittoh Buxa (Cts) Yeceen Aydakaakan Sumaqta Baad Caddol Mamaxxaga Kee Fokkaaqoh Taama Baad Caddol Akah Takkennah Abak Geytiman.
Ta Sittin Geyik Hadaf Kaaduk Itiyoppiyak Salaam Dacayrih Fanteenak Yeceh Yan Aydakaakan Sumaqtah Galli Maroh Egla Kee Afrikah Inkiinoh Eglak Fayya Le Caddoh Mamaxxaga Akah Geyan Innah Abaanam Kinnim Baxxaqisen.
Tama Hadaf Arac Xagisoonuh Faransah Doolatak Faxxiima Metteebanni Kee Mansoofah Qokol Akah Geyan Innah Abak Baxsa Luk Salaam Dacayrih Taama Abeenit Carbi Booxal Geytimitah Bakaqteh Tan Qawwalaylak Isinni Dacrisoonuh Duddi Gablusiyyeh Aydakaakan Acyuk Baxsale Hangi Akah Yacen Innah Abeenih Geytimaanam Qaddoosen.
Tama Sittin Gey Namma Baaxoh Fanal Yanih Yan Maqarle Qaskariyyoh Diplomaasi Rakiibo Abak Kinnim Baxxaqisen.
Itiyoppiya Baadak Salaam Dacayrih Taamah Naharsiino Acyuk Abak Geytimta Gabah Assagolla Diggoosak Sittin Qokkoliyya Fooca Fanah Maqarrosuh Kaxxa Doori Lem Qaddoosen.
Missoynal Miraacisak Geytimtam Kee Baadak Salaam Dacayrih Miroctih Fanal Bisomaxco Le Caddot Geytimtam Ta Qokolul Sitta Lih Taamitaanam Diggowtuh Sabab Kinnim Qaddoosen.
Ta Sittin Gey Itiyoppiya Baadak Salaam Kee Nagayaniinah Caddol Abak Geytimita Taamoomi Nagay Maqarroosnuh Kaxxa Tuxxiq Allelem Baxxaqisen.