Namma Jaamiqat PHD Baritto Hinnammay Dokterit Barittoh Tadderak Qimbisiyyi Taddera Gexsen
Addis Ababa,Caxa Alsa 1,2018 (FMC) Samarâ Jaamiqat Kee Harmaayah Jaamiqat Climate Smart Agriculture Addat Tanih Tan Mango Barittootak PhD Baritto Elle Yaceenim Duudumta Taddeerak Sittin Gey Taddera Gexsen.
Ta Aracal Samarâ Jaamiqatih Prezdenti Dr Macammad Qusman Kee Harmayah Jaamiqatih Prezdenti Dr Jemal Yuusuf Elle Geytimak Aboonuwaanah Yanin Taamomil Alhum Tadderah Sittin Gey Aben.
Ta Taddeerah Aracal Yab Abeh Yan Samarâ Jaamiqatih Prezdenti Dr Macammad Qusmaan Iyyemihi Ni Baaxo Itiyoppiya Awayih Uddur Daffesseh Tan Axcih Buqreey,Turuzim Kee Maqaadin Caagidal Nagay Akah Taamitan Innah Ekraariseenih Geytimanam Yescesse.
Tasaakî Sittin Geyiih Taddeera Baaxoh Caddol Faxximtah Tan Maaqiddi Caabi Arcat Haanamal Isikkeh Doori Kah Digirtannah Taamite Loonuh Yaniinim Baxxaqse.
Samara Jaamiqatih Perezixanti Macammad Qusmaan(Dr) Qafar Rakaakay Leh Yan Wacaysir Gaddaay Tonnaah Rakaakay Caddol Maaqiddi Caabi Diggowtuh Ta Jaamiqat Abak Geytimah Yan Macalah Ta Sittin Geyih Taddeera Kaxxa Caddo Leh Taniimit Yaabe.
Harmaayah Jaamiqatih Prezixnti Jamaal Yuusuf(Dr) Elle Yescesseh Yan Innal,Agat Caddol Geytimtah Tan Jaamiqatittek Dadalak Geytimtah Awayih Uddur Baxsa Le Macal Abak Geutimta Samarâ Jaamiqata Luk Annah Yan Sittin Gey Kaxxa Maaqatta Kinnih Tanimiiy Yescesse.
Samara Jaamiqat Kee Harmaayah Jaamiqat Bisoh Mango Taddeeraari Siitallih Abtaamih Hadaf Loonuh Yaniinimiiy Nummase.
Habib Adam