Sanat 2019 Heele Mizaniyyat Bajet 2 Ximmoy 3 Trilliyonih Birrik Daga Akkuk Ummattah Awlaytiitih Malah Buxal Akah Xayyosan Innah Faaticisen

On Jun 9, 2026 46

Addis Ababa,Waysu 2,2018 (FMC) Sanat 2019 Heele Sanatak Mizaniyyat Qaguntih Kukta 2 Trilliyon 339 Billiyon 268 Milliyon 126 Alfiiy 738 Birri Akkuk Ummattah Awlaytiitih Malah Buxal Akah Xayyosan Innah Faaticisen.

Maloktit M/Buxa Asaakih Ayro Gexsisse 56Helee Madab Koboxul Elle Walalen Caagidak Tiyak Ti Sanat 2019 Heele Sanatih Mizaniyyatih Qaguntih Kukta Kinni.

Tahak Ugut Abak Madab Awqenatay,Kappital Awqenaty,Rakakayitte Qokoluy,Sarrimaanele Daddositteh Awqenatal Assuh 2 Trilliyon 339 Billiyon 268 Milliyon 126 Alfiiy 738 Birri Akkuk Ummattah Awlaytiitih Malah Buxal Xayyosen.

Qagunti Kukti Elle Xayyowem 2019 Federal Doolatih Mizaniyyatay Tabna Sanatih Doosih Ekraaro Akkuk 2019-2021 Daddos Kee Investementi Ekraarol Daffeyteh Tan Hadafitte Kee Fanti Liggidak (2019-2023 )Makro Ekonomil Rakitak Abtol Aselem Qaddosen.

2018 Miizaaniyyat Liggidih Tadeerah Mizaaniyyat Doolat Maaliyyah Dudda kee Ayyuntiinoo Kee Qidaddoh Tabaatabsih Hadafitte Arac Xagtuh Faxximta Awqentitte Kee Tonnah Doolat Daffesseh Tan Daddos Ekraaok Ugutak Kinni.