Awsi rasih caddol 7heele amolladi doorok abbinos maca ceelak sugeemiiy Fooca Fanah maca takkem faxximtaamal walal gudgud gexisen
Addis Ababa,Waysu 8,2018 (FMC) Dooro Maysoh Lakal-Digga Le Doolat Iyya Ammuntal awsi rasih caddol gexisen walal gudgud yaabal fakeh yan leeda missoynak Qafar Rakaakayih luddak ciggiila saqalah yan gifta Macammad Acmad leeda missoyna akah abak temeetennah 7hayto doorol ayyuntah culen xagana aracat hoonuh Dumak Baxsalem edde abteh tan uddur kinnim kassiise.
Ta gudgudul doorok naharal macaalat sugeemiiy dooroh ikraarok abbinis maca ceelak sugem kee doorok lakal takkem faxximtam wagsissah tan kutbeeba xayyoosak baar le walal elle yekke.
Qafar ummatta curriinol isih taysem isih dooritak neh tayse axcuk dooriteenih yanin leeda ayyinti akah ken dooreh yan xagana ayyuntah aracat haanamal dumak baxsale taama akah takkennah miraaciini baxsale dudda kee qadliinol taamitam faxximtam Yubluusen.
Foocaffanah ayyuntak mano elle tayse gurral fayya intuh maddur kee qidaddol isxiqa ayyunti ginniimuuy baaxo dadal aracat gacak ixxigaay maddur kee qaafiyatal leede ayyunta kee ceelallo takke baaxo elle ginnimtam xiqta afkanittey missoyna ikraaroh leh tani elle acayuk agudgud meqennal Yumurreqe.
Kalifa Kadir