“Dooro Maysoh Lakal Maqar Lee Doolat” Iyya Ammontal Dooroh Yekke Bicaay, Dooroh Abbinoos kee Doorok Lakal Tekkeh tan Taamoomi Wagittaamal Walal Gudgud Kilbatti Rasuk Abqaalal Magaalal Gexsak Geytiman

Addis Ababa,Waysu 9,2018 (FMC) Ciggiila Prezxentih Bilhadal Maddur Kilasterih Koobaahise Gifta Qali Macammad Macmuud Miraacisa Daffeena Kilbatti Rasih Qaasima Abqaala Magaalal Gexsitak Geytimta.

Addis Ababa,Waysuk 09/2018 (ENA)Qafar Rakaakayak Ciggiila Perezxentih Bilhadal Maddur Kilasterih Koobaahiseey Pilaan kee Daddoos Biirok Naharsí Saqalah Yan Gifta Qali Macammad Macmuud Miraacisak Dooro Gexsit Mannal Sugem Wagittaamal Miraaciinu Luk Walal Gexsen.

Gudgud Miraaciseh Yan Rakaakayak Ciggiila Perezxentih Bilhadal Maddur Kilasterih Koobaahiseey Pilaan Kee Daddoos Biirok Naharsí Saqalah Yan Gifta Qali Macammad Macmuud Iyyeemih Leeda Parti Ummattah Culteh tan Xaganal Tuybulluyeh tan Xalootitte Katayaak Ummatta Dooro Gexsit Saay Kee Salaamah Gexsituh Kaxxa Doori Digirteh Tanim Yescesse.

Tama Gudgudul Geytimeh yan Miraaciini Tumbulluyeh tan Meqe Gambitte Diggoosak Coocitte Kaaduk Dambiyak Ummattah Yayse Ayfaafay Abbinoosoonuh Macaleloonum Kassiisak Fidin Walal Elle Akkuk Geytimam Qafarak Mangaafa Retteemah Oytal Yescessen.