Qafar Rakakayih Poliisik Daga Raqta Amolladi Mirocti Wakti Caalat wagittaamal Walal Gudgud Gexsen
Addis Ababa,Waysu 9,2018 (FMC) Qafar Rakakayak Poliisik Daga Raqta Amolladi Mirocti inkih-yan Rasu Kee daqooriitik poliis Miraaciinu Kee Rakaakayak kabxaabaxsale sekter biroorak wagta Dagar edde Yengele Walal Gudgud Gexsen.
Ta aracal geytimaak gudgud yaabal faktem Rakaakayak ciggila prezixentih Bilhadal Meqe xiinissoh kilasterih koobaahiseey doolatak daddos missoynanih saqal Gifta Acmad cusen kinnuuk Iyyeemih Inkih tan baaxoh caddol 7 hattoh tekkek dooro Salaam Kee saayal tamurruquh Saay Kee Salaam Dacayrih Xagorti Abak Sugte macal Kaxxam Assakatle tamoomi kinnuuk sugtem Qaddoose.
Uxi kinnih Baaxo Saay Kee salaamih Dacayriiy Meqe xiinissoh Taama Kee Izni Sinni Siragle leeh tellemmoy Itiyoppiyah Naqaboytiitih Ariiqo takke Lowsis Kee Kattat tamoomi maqorroysoonuh Saay Dagarak kaxxa Taama Qambaalintam Kassiise.
Rakaakayak Ilaa Daqooriit Fanah Geytimta Saay Kee Salaam Dacayrih Dagorti Baaxo Salaam Kee Saay Dacayri Aban Taama Kulsa leh tan Taama kinnim Kasiisaak Baxsaluk baaxok Qidaddo Kee salaamaay Saay Boolassu dudda kontrobaxi Ruksat Sinni Siragleleeh Tamoomi Kee Too Bisle uma Abinitte Inki Tanuuk Raaqisoonuh Saay Kee salaam Dacayrih Dagortik Baarle macalitte Qambalsintam Qafar Poliisik Daga-raaqa Amolladi Miracsentih Amriseeni Komishineer Bilqe Acmad Yiysixxige.
Kulli Daqar Kee Rasi Caddol Wagta Dagarih Ruksat Sinnim gexxa Siragle leeh Tellemmol kaxxa giclo Abaanam Kee Uxi kinnih lowsis Kee Kattat Tamoomik isinnik Qambalsinta Dirkik Awqeloonuh yaniinim baxaabaxsale Rasu Kee Daqooriitik Poliis Miraaciinuy Walalat Yengeleh Yani Yescessem Rakakayak Mangaffa Rettimah Oyti Yascasse.