Cuggane Baaxoxah Aakam Tace Itiyoppiyah Diplomasi
Addis Ababa,Waysu 11,2018 (FMC) Sissikaane Kee Milaagimak Geytima Baada Siyaasah Addat Inki Baaxok Iro caagidah polisih Assakat Elle Mizaanisanam Xex Kacnoytit dibuk Hinnay Cuggane Baaxo Lih Lon Angaarawa Kinni.
Itiyoppiya Kataystah tan Siyaasa Caagidak Tiyak Tiya kaadu Cuggane Baaxoxa Lih Lon Angaarawa Ta Siyasak Mayballa Kinni.
Tahalak Ugut Abak Itiyoppiya Cuggane Baaxoxah Diplomasih Afkana Dariifa Qidaddoh Kee Dadalah Kaxxa Doori Digirak Geytimta.
Afrikah Gaysal Baad caddoh tellemok Tabeenah Tanih Libdo Le Doolatittek Giclo Booxah fanteenay Xaggimewayteh tan Gadditte Leh Tan Afrikah baaxoxa Culma Gita Abak Edde Antifiquk Geytiman.
Afrikah gaysa Baad caddoh fayxiixa Kee Tonnah Gexekalititte Elle tamballe Sterateji Dariifa Kinnim Kee Celalloh Chaynay,Ammerikay,Awrobba Kee fanti Maacih baaxoxa Sterateji Fayxo Abbinosoonu Elle Duudan Fanteenak Abluk Yangicillenimi Tambulle.
Itiyoppiya Aakam Akah tace Cuggane Tace Iroh caagidah Polisitte Qidaddo Fantaaxaw Kee Salam Kee Amni Caagida Kee Sittin Mantafaqat Kinnimi Tamixxige.
Merraytu kee Digital Daddsouy,Baddi Gita Kee Fordah Dooritte baarissuh dariifa Kee Cududittel Sittallih Elle Yantifiqeenim Duudan Xalotitte Kinnim Cedak Tahah hangi Acayuk Taamitak Geytimta.
Ayro Mawqah Afrikal Tangagayye Alshabab Kee kalah tan qarkakisa Buttah Soono Baxqisoonuh Aban Gexsitil Itiyoppiya nammay takko Kee kalah tan Diplomasih Gital Abak geytimta macalitte Kaxxa Xaloot Baahak Geytimtam Tamballe.
Itiyoppiya Cuggane Baaxoxa Lih Afaay,Qaaday Kee Diiniy Angaraw Lemi Tamixxige Tiya Kinni.
Itiyoppiya Nabah Yan Asqassabe karawwadih daddosut Antifiquk dariifa Kee Cugganeh Agle Fanteena Abta Sissik Macalal Taamitak Geytimta.
Ciggilak Qimbisiseenih yanin Cuggane Baaxoh Fantaxaw Diggosak Ayro Mawqah Afrikal Qidaddo Fantaxaw Kee Iro Kee Addah Caagidah Amni Diggosak Agat Tuxxiq Kee fayxi Dacrisanamal Diggole Taama Abak Taama Diggosak Gexele.