Itiyoppiya Sayber Amni kee Artifisiyaal Intelejensih Teknoloojih Daddoosul Baxsale Hangi Cayuk Taamitak Geytimta – Tigisti Caamid
Addis Ababa,Waysu 17,2018 (FMC) Itiyoppiya Sayber Amni Kee Artifishaal Intelejensih Teknologih Daddoosul Baxsale Hangi Akah Taceennah Taamitak Geytimtam Oyti Retteemah Amni Xiinissok Naharsi Dayrekterih Tan Gifti Tigisti Camid Qaddosse.
Oyti Retteemah Saay Xiinissoy, Itiyoppiyak Sayber Saay Amni Egla Kee Galli Maroh Eglak Afrikah Qidaddoh Komishin Sitta Lih Bicisse Baadak Sayber Amnih Konferensi Addis Ababal Gexsitak Geytima.
Tama Gudguduk Fakkental Farmo Tatrusseh Tan, Oyti Retteemah Amni Xiinissoh Saqalah Tan Gifti Tigisti Camid Inteemihiiy Itiyoppiya Sayber Amni kee Artifisiyaal Intelejensih Teknoloojih Daddoosul Baxsale Hangi Cayuk Taamitak Geytimtam Kassisen.
Naharsi Malak Abiyyi Acmad Abeh Yan Mascassak, Ugutak Mango Sanootaak Afal Sayber Amni Kee Artifishaal Intelejensih Daddosul Hangi Akah Yacen Innah Miraciini Xisoosa Xissimteh Tanim Qaddosse.
Itiyoppiya Baaxoh Addah Teknolojih Duddaay, Qusba Gino Kee Sayber Mihratleelah Daddosul Qunxaaneyti Iro Baaxoh Qekol Akah Yaynukusen Innah Kaxxa Investementi Abak Geytimtam Tescesse.
Ta Baaxo Sayber Amnih Boliisi Bicisak, Baxaabaxsale Maysaxxagoogi Maysaasaay, Edde xintitte kee Miracsentitte Ayyaaquk Amaanah Yan Xijitan Dariifa Siirat Ginoonuh Macal Abak Geytimaanam Qaddose.
Itiyoppiyak Oyti Retteemah Amni Xiinisso Sayber Saay Taqabitte Kalalaanam Kee Kalali Qandeh Dudda Dadlisoonuh Taamitak Geytimaanam Kee Tohuk Gexxaamah Ossimak Geytimta Sayber Saay Taqabittek Currih Tan Baaxo Bicisak Geytimaanam Qaddosse.
Qasri Buqreh Daddos, Maaliyyah Teknologih Dudda Aysiisuk, Baaxoh Addah Qusba Gino Dudda Aysiisoonuh Teknolojih Daddosul Kaxxa Hangi Acayuk Geytimaanam Tescesse.
Galli Maroh Eglak Afrikah Maduur Komishinik Ciggiila Kutbe Abe Mama Keita Elle Qadosennalaay, Baxaabaxsale Luddal Sarimanele Daddos Akah Yakkennah Qarangubal Naharsiino Akah Yallennah Abaanam Faxximtam Qaddosse.
Ciggiila Naharsi Kutbe Abe Iyeh Institutional Saay Dudda Xisinam Faximta Xijitan Dariifa Sayber Maysatakooki Dacrisoonuh.
Ciggiila Naharsi Kutbe Abe Yesceseh Wagitah Yan Dagorti Qangoruk Iroh Abini Maqattooti Beyanam Qambalan Xijitan Tabaatabsi Numma Akah Yakkennah.