Itiyoppiyah Kee Baddi Forda…..

Itiyoppiya Kee Qasa Badih Aydaadi Baxsimtam Duude Sinni Manoh Aydaadu Kinni.

Dumaahi Waktil Dadal Kee Biso Maxcok raceenak Suge Bada Asaaku Fan Baaxo Qidaddo, Dadal kee Dariifah Caddol Kaxxa Doori Digira .

Aydaadi Elle Barisannal Itiyoppiya Amni Kee Daddos Kulli Udduruk Muxxih Qasa Badih salaam Kee Sabhalal Lih Fantaxaw Le.

Qasba Forda Mangoh Tan Sanootah Itiyoppiyak Qidaddo Kee Steratejih Gita Akkuk Affaf Acayuk Sugte.

Atse Hayle Sillase Kee Dergi Waktil Qasba Fordat Fayyo Leh Yan Qidaddo Investementi Edde Yekkeh Suge.

Nabah Tan Siragle Lee Saffosiyyih Koxxa Xissimteh,Fordak Ilaa Addis Ababa Fanah Gexa Quuki Makaayinih Gititte Xissimteeh,Tonnah Diggole Baddi Cayla Kee Tellemmo Doonikitteh Eglaali Xissimte.

Forda Itiyoppiyak Mukuucuh Yan Baddi Gital Sugte.

Takkay Ikkah 20Heele Bool Santih Liggidak Ellecabol Boodeh Yan Siyaasa Taqabik Gexxamah Itiyoppiya Baddi Forda Akah Waytannay Tonnah Inki Tanuuk Baddi Forda Waytama Duudumte.

Itiyoppiya Qasbadih Fordak Yaydereenimih Gexo Qimbissem 1983 Heele Liggidah Yihaaxig Kee Ciwaacat Cayli Addis Ababay Eretrah Shaqbiyya Kaadu Asmara Kee Qasab Lowsisse.

Eretriya Rasmih curriyyat geyteek naharat kee lakal sugte liggiditteh addat Asab Itiyoppiyah “Meklak Currih” ayfaf kah taceennah sittin gey yekkeh sugen. Itiyoppiya Doodat Qisok Currih Badat Antifiquk Suge.

Ityoppiya marsoosak baxsoonuh qellitte cogdah ityoppiya marrooweh haanam kee baddi marso teetik waasaanam kinnim takkay immay gersi ajenxa katayak sugte.

Namma Baaxoh Fanal Kontrobanxi Baarisiyyaay, Eretriyah Nakfa Akah Qimbisen Innah Abaanam Kee Tellemmo Dollaaral Akkiiy Birrit Akah Takkennah Abaanam Faxximtah Tan Sittin Geyittek Gexxaamah Namma Baaxoh Fanat Yekkeh Yan Bood Ossimak Baahe.

namma baaxoh fanat sugeh yan Uqra Kookaxaw laqinik 1990 fakut yan cuduud carbi fan gexe.

Ta tekkooka ityoppiya Assab Fordak Baxisaanamih Aydaaduk Qimbo Yekke.

Carbiik Gexxamah Qasb Fordak Geyak Sugte Tellemmo Kee Kalah Tan Tuxxiqtteh Giti Yiggiriqe.

Tohuuk Gexxamah Itiyoppiya Irok luk Sugte Baddi Giti Yiggiriqewak Culma Tellemmo Inki Tanuk Jabuuti Fanah Korte.

Itiyoppiya Tama Forda Waytim Gibdah Yan Qidaddo Taqabi Kataase.

Itiyoppiya Assab Fordaak Baxsimtam Taturte Sidiica Tabna Sanootah Baaxol Kaxxa Qidaddo Kee Ardi Siyaasa Gutqo Abak Geytimta.