Qafár Rakaakayak Miglis Kutbeh Buxa Kee Prezdenti Kutbeh Buxah Taama Abeyniitih Aydakaakan Yomcowwe
Addis Ababa,Kaxxa Garabluk 27,2019 (FMC) Qafár Rakaakayak Miglis Kutbeh Buxa 21toh Adda Yassakaxxoonu Waan Itiyoppiyak Agataay, Agattinaane, Kee Ummattah Ayroh Qaffayda Wagsiisak Taama Abeynit Kee Kutbê Buxah Miraaciinuh Aydaakaakan Tece.
Ta Aydakaakan Miglis Kutbeh Buxa Kee Rakaakayak Prezxanti Kutbeh Buxa Ittalluk Cattiimak Namma Kutbeh Buxah Miraaciinu Kee Taameyniitih Yontocowwem Kinni.
Aydakaakan Elle Yontocowwem ” Mangittinaane Xiinisso Kee Doolatitteh Angaaraw Maqar Le Federaal Siiratih Xisneh” Iyya Ammunta Kinnuk Maqar Le Doolat Siiratih Xisnel Tû Ced Yakkeh Yan Aydakaakan Kinnim Qaddosen.
Aydakaakan Gudgud Fakteh Tanim Prezxenti Kutbeh Buxak Naharsi Saqal Gifta Amiin Macammad Kinnuk Ta Gudgud Kah Missoowem Itiyoppiya Away Qembisseh Tan Maqar Le Doolatih Xisney Mangattinaane Arcibisal Inkiino Kee Maqar Ginah Yan Siiratal Tû Ced Ginniimu Kinnih Tanim Baxxaqise.
Tonnah Kaadu Aydakaakan Elle Yontocowwe Sanad Xayyosseh Tanim Qafár Rakaakayih Miglisih Kutbeh Buxak Lowsis Kee Kattat Xayrektoreetik Buttâ Miraacah Yan Idris Macammad Bilaal Sanad Xayyoosul Mangattinaane Arcibissa Doolat Xisne Diggowtuh Ummattâ Gabat Agle Doori Leh Tanim Baar Luk Mekeelise.
Gudgudul Sanad Xayyos Gaba Kalek Gamadal Gabat Agle Luk Sugte Dagorti Baxaabaxsa Le Tû Mabul Kee Esseroora Elle Yeceenik Gamadal Miglis Kutbeh Buxak Saqal Gifta Macammad Qali Kee Sanad Xayyoyseh Yan Idris Macammad Bilaal Raddi Kee Agaarad Elle Abak Prezxanti Kutbeh Buxa Kee Rakakaay Miglisih Kutbeh Buxa Ittalluk Cattiimak Gexsitteh Tan Taameynit Aydakaakanih Gudgud Yumurruqem Kinni.
Tonnah Ta Taddiiral Aydakaakan Kah Yontocowwe Dagorti Qabal Yeceenimih Taddiira Gexisse.
21toh Adda Yassakaxxoonu Waan Agataay, Agattiinaane Kee Ummattah Ayroh Qaffayda ” Mangattinaanel Bilhadimteh, Agaaradal Maqarrowte Timbide Itiyoppiya” Iyyah Yan Ammuntal Naharsi Kudok 29 Agat Caddol Oromiyah Rakaakayak Jimmáh Magaalal Assakaxxe Loonum Tamixxigem Prezdenti Kutbeh Buxah Oyti Yescesse.