Afrikah Baaxooxak Qaafiyat Gudduusiyya Sarrimaane Le Gurral Diggosnuh Taamitak Geytiman- Macmuud Qali Yuusuf

Addis Ababa,Ximolik 19,2018 (FMC) Afrikah Baaxooxak Qaafiyat Gudduusiyya Sarrimaane Le Gurral Diggosoonuh Dudda Xisaanam Faxximitam Afrikah Eglah Komshiinih Saqal Macmuud Qali Yuusuf Qaddoose.

76Heele Baadak Qaafiyat Eglak Afrikah Dariifah Makaadoh Kobox Awda Maysoh kassittoh Handagal Gexsitak Geytimta.

Tama Gudgudul Qaafiyat Siirat Sarrimaane Le Gurral Diggosnuh Qaafiyat Maaliyyeh Siiratay, Qimboh Caddoh Qaafiyat Dacarissiyyay Tonnah Qaafiyat Miharatleela Kee Baaxoh Addah Murtih Dadalisaanamih Caddol Taamitaanam Faxximitam Yescesse.

Afrikah Eglah Komshiinih Saqal Macmud Qali Yuusuf Tama Taddeerah Aracal Abeh Yan Yaabal Iyyeemih Inkih Tan Doorititek Antifiquk Qarangubak Qaafiyat Muddaqiino Diggoosak Sarriino Le Gurral Abbinoosak Geytiman.

Afrikak Qaafiyat Siirat Sarrimaane Le Gurral Amaantinaane Rakiibo Luk Xisnoouh Maaliyyah Dudda Diggoosak Kusaq kee Hadlissoh Dadalisaanam Faxximitam Qaddoose.

Afrikah Baaxooxak Qaafiyat Siirat Yaysiisoonuh Qaafiyat Maaliyyeh Siiratay Aysiisuk Sehdayti Caylih Dudda Gablusak Teknoloojih Maqarroosnamih Qaada Diggoosanam Faxximitam Kassise.