Ameerika Iraanat Qaran Maysattaka Abte

Addis Ababa,Waysu 3,2018 (FMC) Ameerikak qaskar Helegobter Iran Dron Togoromik Amakkaquk Hormoz Tabeenak Xayi Dariifal Geytimta Iraanak Qaran Difaaq Kee Raadar Fanteenaani Gaba Gacsi Maysattaka Abte.

Ta Maysattaka Baddi xaqul Tumuggure Ameerikak Qaskar Helegobterih Ceela Raddi Yaceenim Kinnim Qaddosen.

Tama Helegobterit Sugte Nammay Takke Haadiseenit Badal Edde Yangayyen Dronut Cattimak Salaamah Raaqenim Ameerikah Qaskar Tiysixxige.

Tama Macaxi Elle Yiysixixgennaha Hormoz Dariifal Geytimta Iraanak Hawa Kalalu Kee Baaxoh Caagidah Liwsissih Dronittel Kee Radarittet Maysattaka Abne Axcuk Qaddosen.

Iraan Helegobter Qiddemih Masquliyyat Bewaytem Takkay Immay Ameerika Abte Maysattakal Raddi Yacoonuh Bacreen Kee Jordanal Geytimta Ameerikak Carbi Fanteenanit Rokket Maysattaka Abeenim Kassisen.

Iraanak Qandeh Saqal Iyyemihi Bacreen Kee Jordanal Geytimta Ameerikak Qaskar Fanteenanail 21 Takke Maysattakooki Tekkemit Yaaben.

Amerikah Prezdenti Away Namma Baaxo Bici Caagidit Tanimik Amakkaquk Namma Katuk Inkih Carbi Akah Soolisan Innih Seeco Xayyose.