Ameerika Kee Irran Prezdentitte Carbi Sooloh Sittin Geyih Alhumul Feera Wara Daffesen
Addis Ababa,Waysu 11,2018 (FMC) Ameerikah Prezdenti Donaldo Trump Kee Iraan Prezdenti Masquud Bezeshakiyam Qimboh Caddoh Carbi Sooloh Alhumul Feera Wara Daffesen.
Tama Sittin Geyi Hormoz Tabeena Akah Fakkimtannay,Iraanah Aygadad Xisnel Assu Dudda 300Billiyonih Dollara Yaceenim Kee Ameerika Iraanal Hayte Sugte Kaltixxibix Akah Ugussanna Kinnim Yescessen.
Tonnah Iraanak Nukler Caagidih Taddera Yaydereenim Bictah Tan 60 Ayroh Gidet Raqtem Qaddosen.
Prezdenti Donaldo Trump Tama Aracal Iyyemihi Yekkeh Yan Salaam Sittin Gey Aafuk Sugte Qidaddo Taqabitte Raaqisele Axcuk Kassise.
Takkay Ikkah Salam Sittin Gey Dacrisaanam Xiiqimewaytek Ameerika Iraan Bombit Agurelem Qaddose.
Iraanah Amrisen 300 Billiyonih Dollar Wagsiisak Ameerika Tacuwaytam Hinnay Iraan Gadday Soolisenih Sugeeni Kinnim Yescesse.
Iraanak Bica Abeenah Iraan Parlamak Caxah Abba Macammad Bager Iyyemihi Ta Sittin geyi Hormoz Tabeena 60 Ayroh Gideh Fakimut Akah Gactanni Edde Yanimi Yiysixxige.