Ameerikak Sidoc Takke Qaskar Iraan Maysattakat Rabtem Tiysixxige.
Addis Ababa,Diteli 13,2018 (FMC) Ameerikah Prezdenti Doonald Tiramp Iranal Abte Maysattakat Sidiica Ameerikah Qande Rabteemik Ugutak Iraanal Kaxxam Maqarle Maysattaka Akah Aban Innah Amri Yecem Warsen.
Tama Qaskar 2 Num Yordanoauy Rabte Inki Num Qiraakal Rabem Qaddosse.
Asaaku Fanah Ameerika Abak Geytimta Maysattakak Ugutak Inkih Tan Iraanal Bakaqitte Antabbuk Geytimam Kee Tam Maysattakah Sabbatah Alfimte Taamomi Tanim Kee Taama Abeenit Taama Fanah Akah Culewaytannah Abeenim BBC Xaagi Yiysixxige.
Ameerika Tehran Hormuz Tabeenak Taturtah Tan Doonikittel Abak Geytimta Maysattakooki Kalaloonuh Qaskariyoh Arooca Kee Angaaraw Fanteenit Hadaf Abak Maysattakoki Abak Geytimanam Kee Tama Qusba Maysattakokik Tah 9Heele Bara Kinni.
Tama Maysattaka Wagittaamal Iraanak Tasnim Xaagih Raceena Elle Qaddosennal Tabriz, Chabahar, Konarq, Bandar Mahshahr Kee Bandar Imam Edde Anuk Baxaabaxsale Iraanak Magaaloolul Maysattaka Tekkeh Tanim Qaddoosen.
Ameerika Maysattaka Abtam Fanah Hormoz Tabeenak Siragle Leek Inki Xoyya Tabewaytuwaytam Iraanak Qandeh Cayli Yiysixxige.