Anxax Raatih Daddoosih Taama Sittat Nee Xakbissah Tan Nabah Tan Abto Kinni
Qekkebow Doolat Mangoh Tan Nihiritte Itiyoppiyal Daabisak, Kaxxa Maysoosa Kee Abtoota Inkih Rakiibo Le Gurral Agdubuk Geytimta.
Qaxuwa mayso Kee Nabah Yan Asqassaabê Karawadak Lakl Algin Raatih Daddoosih Taddeera kee Gadbô Xalootuy, cagay takke sirray baxaabaxsale waktitteh addat geytimte, kaxxa xalootitte kinnim diggoysan.
Qekkeboh doolatih mablal Itiyoppiyah xaylo sitta luk sollaah, sitta luk soolla axcuk margaqa beyte saaku, Afrika kee baad inkittoowaan wak maca abaanam duudaanam yaybulleenim duuden.
Asaaku ityoppiya isih intam abta baaxo kinnim Kassisen.
#Anxax Raatih Daddoosih Taddeera Agat Caddol Niyaay, Inkittinaaneey, Baaxo Kacanuu Kee Coox Daabisaanamak Lakal Ciggilta Horah Sarriino Le Raat Cabaanamih Nihir Diggossah Tan Agat Caddol Geytimta Angagoyyitte Kinnim Qaddoosen.
Anxaxin Raatih Daddoosih Taddeera abteh tan assakat Itiyoppiyah xaylo yab dubuh hinnay Medemer gubat ekraarisnem abbinossam duddam dibuk tambulle.
Adwa liggiditteek naharal geytimteh tan aydaadule mayso silaacittel dibuk fayya haanam hinna. Wohim ummattâ inkittinaaneey, miraaciini kas kee baaxô kacanuk xalootuk ten. Ta mayso ityoppiyah curriyyat geytem dibuk hinnay inkih tan afrikah amo baxxaaqak qaago taceem kinni.
Asaaku ta gexsit baxaabaxsa le daddos exxaaxil foocah iyya. Ni abbobti baxaabaxsale luddal mayso geyteeh, baaxo asaaku elle tan ikke bahte nanu coox daabisak geytimna ciggilta horah tayse qaago tatrusnuh.
Ta Uguugus Sanat 2011 Qimbisek lakal Inkih Yan Ayyunta Bilyoonul Loowimta Coox Daabisoonuh Garboh Alifu Osisoonuh Hawa Milaagih Kalalaanam Bayisse Ardi Dadlisaanam Kee Ciggilta Horah Anxaxin Raatitte Tatrusoonuh Xiqsisse.
Baar le caddol caxâ baxa kee buni coox daabisak anxax qidaddo kee baaxo xaylok culenti raceena baarisaanam kinni.
Maaqiddi caabih caddol kaadu diggale milaagitte tanbulle.
Gadbo Xalootih Taddera Canay, Naalaay, Dorrahi Kee Kullumti Murtitte Osisak Buxah Marih Maaqiddih Nagaytaniina Maqarroosak Geytima.
Nabah yan Itiyoppiyah Asqassaabe Karawwad Baaxo Xaylok Lakqoy Qokol Kee Fayxil Xisen Agat Cugayso Kinnim Kee Ta Arac Xagtem Mangoh Tan Taqabitte Tanim Takkay Ikkah Kaxxa Soono Sitta Lih Arac Xagtam Xiqqimtam Sumaqte.
Gersi katuk Efeq gubal yan sirray dadal, Itiyoppiya sirray yamrute baaxo dibuk hinnay iroh qadaaga fan xayyoosaanam xiqta baaxo takkuh ukum tekke.
Tama maysoosa inkih kaxxa numma nee barissah Ityoppiyak kaxxa gadda gino dubuh hinnay ummattak maqarle inkittiino kinni.