Anxax Raatih Taddeera Weelô Maqaanek Kalah Maaqiddi Caabih Tuxxiqitte fan

Rosqâ milaagih kalalu sanad kee qangooruk iroh abto faxxam kinnim yescessen. Itiyoppiyal Sanat 2011 Qimbimte “Anxaxin Tabna Sanatih” Uguugus Xaloota Xakak Geytima.

Kimal (Ditelik 27, 2018) Aydaadi Inki Ayroh Anxaxin Tabna Tadeera Dabbisoonuh Ikraariseenih Sugen 800 Milyoonih Cooxuk 805.3 Milyoonih Coox daabisaanamak Qusba Rikarxi Dafesen.

Itiyoppiya Isi Ekraaro Kee Daffeynal Abbinoysak Geytimta Baaxo Kinnim Kulli Ayyunti Macal Akah Abtannah Abak Geytimta Baaxo Kinnim Qaalam Tuybulleem Naharsi Malak Abiy Acmad Qaddoose.

Naharsi malaak elle qaddosennalaay asanat daabisoonuh ikraariseenih yanin 8 bilyoonih cooxuk ditelik 27 sanat 2018 fanah 6.5 bilyoonih coox daabiseenim kee ikraaro inki tanuuk aracat gactuh raqte alsitteh addat 1.5 bilyoonih coox daabiselem warse.

Amolladih Itiyyobiya Sanat 2011 Anxaxin Mile Abtol Asisenik Lakal 54.5 Bilyoonih Coox Daabimteh Aydaadu Tekke.

Gersi katuk, anxax maayil taddiira coox daabisiyyak iroh kaxxa qidaddoh tuxxiq ginak geytima. Daabimteh tan cooxuk 60 gaba yakmeenim xiqqimtah tan caxâ baxaay, maaqiddi nagaytaniina dacrisoonuh abaanah yanin macal kaxxa doori digirta.

Ossotinah milyoonul loowimta ityoppiyah qunxaaneyti coox daabisaanam kee hanaawisak qimbisak qaleeli dariifah daddosul taamâ saami geenih yaniinim warsan. Tatre 7 sanatih addat 2.5 milyoonuk daga takke qunxaaneyti taamah afkan akah geytannah abaanam, Green Mile deqsitta meqem abittoh egla elle geytimtah tan qidaddoh tuxxiq kinnim qaddoysa.

Dariifa Dacayrih Caagidil, Baaxoh Addal Garboh Alfenta, Green Mile Qimmisak Afal Dibuk 17.2 Gaba Sugte, Tawak 23.6 Gaba Fanah Fayya Iyye. Daqoorit kee kalittek duma salacteh sugte, Haramaya Kalittek kaxxa ceelallo yakke.

Anxax Tabna Sanatih Tadeera Malcinhayto Sanatih Gabakaltay Bacarhayto Caddoh Culeeh, Ekoloojih, Qidaddo, Kee Diplomaasih Caagiidal Geytimta.

Tah kaxxa maysoy silayti angadad xissimtah tan qidaddo xisoonuh diggale abtootat baad caddol miraaciinu axcuk qaddoysan.