Asanat “Itiyoppiya Tamrutay” Inta Expol Nek Agat Tuxxiiqih Mabla Asmat Luk Elle Ayballayuk Geytimta Abto Kinnim Naharsi Malaak Abiyyi Acmad (Dr) Qaddoose

Addis Ababa,Qasa Dirri 25,2018 (FMC) Naharsi Malaak Abiyyi Acmad (Dr) Elle Qaddosennalaay Awayih Uddur Gexsitak Geytimta “Itiyoppiya Tamrutay” Inta Uguugusih Ekspo Nek Agattiinah Mabla Kee Hadaf Arac Akah Xaga Innah Abak Geytimtam Qaddoose.

Naharsi Malaak Tatruseh Yan Farmol, Industirih Luddal Yeceenih Yanin Xalootul Hangi Akah Yeceenih Yanin Miraciini Tumbulleh Akke Wayta Industirih Baarisso Gintem Kassiise.

Naharsi Malaak Elle Yescesenal Amoladih Murtisiyi Dudda Booluk 47 Illa 67 Gaba Fayale Afara Sanatih Addat Sarimanele Macal, Tahak 2,800 Dagga Takke Baaxoh Addah kee Iro Baaxoh Saanih Investementitte Hirigteh.

Naharsi Malaak Elle Yescesenal Qimboh Sagla Alsitteh Addat 2018 Miizaaniyyat Ligidak Dibuk, 4.85 Bilyoonih Dollaarak Dagga Takke Iro Baaxoh Milaagu Baaxoh Addah Awlaytiinoh Murtittel Daanimteh.

Ta Sanatih Expo Inkih Tan Baaxok Mangoh Tan Bicisa kee Qimboh Addah Taama Abeenit Sitat Tengelem Qaddosak Naharsi Malak Abiy Acmad (Dr) Edde Tengele Maritte Ta Maqarle Uguugus Bisoh haanam kee Sitta Lih Taamitoonuh Sanaqatah Ledda kee Isil Xiqah Yan Ityoppiya Xisoonuh Kassiise.