Ayrô Mawqah Afrikak Mizaan Dacrisanamih Doori Diggosse Itiyoppiya
Addis Ababa,Qunxa Garabluk 18,2019 (FMC) Itiyoppiya ayrô Mawqah Afrikal Aydaaduy’Geo-Polotikay,Qidaddo Kee Qaskariyyoh Dagarraqak Dariifa Caylih Qedaalisak Dacrissa Baaxo Takkem Xiqsisse.
Ayrô mawqah Afrikak sarrimaane le salaam, daddos kee sabhalal saanih Itiyoppiyah maqar kee salaamat axawah tanim kee Dariifal inkih tan qokol ityoppiya sinnim yacsubeenim hinna.
Itiyoppiya ayrô mawqah afrikal miraacissah tan exxaaxik tiyak teyni Dariifal leh tan saay doorit Dariifa salaam kee sabhalal Qamiddu Akkuk Taamitak Geytimtama.
Itiyoppiya Afrikah Gaysal Salaam kee Xakak Akah Diggowannah kaxxa fida mekeltem kee baxsaluk Somaaliyah baaxol al-shabaab kalalu kee amni xayyoosiyyal miraacissa doori digirak Somaaliyah salaam Geytimuh Qimbol Macalte Baaxo.
IGAD Kee Afrikah Eglah Addat Geytimta Fokkaaqoh Gexsit Kee Gabbi Qaxih Sudaan Kee Sudaanal Geytimta Addak Addah Taqabitte Walal Kee Salaam Gital Akah Yafdigen Innah Kaxxa Macal Abak Geytimta Baaxo Kinni.
Qidaddo kee Daddos Angaaraw Aw Cayli Xiplomaasi Ayro Mawqah Afrikal Itiyoppiya Miraaciinu Leh Tan Gersi Soolo Kinni.
Itiyyobiya Baxsaluk Yaqusbuseenim Xiqan Caylih Cuggaane Baaxooxa Innah Tan Sudaanaay,jiboutiy,Keniya kee Tanzaaniya Gombod Mali Xayoosak Rakaakay Angaaraw Maqarroosak Geytimta.
Nabah Yan Itiyyobiyah Asqassaabe Karawad Ta Baaxoh Gombod Mali Xayoosanam Ossotinah Saytun Yaqusbuseenim Xiqan Cayla Dariifak Dariifa Fanah Saytun Yaqusbuseenimih Cayla Racisak Ayro Mawqah Afrika Sanaqattah Cato Takkeh Tan Nabbah Tan Daddos Motor Tekke.
Ityoppiya kaadu ayrô mawqah afrikal diplomaasii kee siyaasâ fanteena kinni.
Addis Ababa Afrikah Egla Kee Galli Maroh Eglak Afrikah Qidaddoh Komishinik Daffeynah Geytimtam Kassitna
Gersi katuk Itiyyobiya BRICS Adoytiinu kee Baad Caddoh Forumitteh Addal Leh Yan Diihay Dadlisak Geytimam Ta Dariifah Siyaasah Cayla kee Xongolo Osisak Geytimta.
Itiyyobiyak Dariifa Dacayri kee Garbo Dacayrih Macal Ayro Mawqah Afrikal Hawa Milaagih Gutqo kee Qabaar Gutqo Kalaloonuh Cuggaane Baaxooxah Kaxxa Abak Raag Kee Ceelallo Kinnim Qaddoosen.
Toh tonnal anuk Itiyoppiya mango ummatta leeh qidaddo dadalak geytimta baaxo kinnuk Dariifa sarrimaanele salaam kee tellemmo diggossuh kaxxa doori le.
Amo gexaak ityoppiya ayrô mawqah afrikah rakaakayal lafale baaxo kinnim kee ityoppiyah sabhalal kee maqar inkih tan ayrô mawqah afrikah Dariifah Salaamay, Saay kee qidaddo dadalah maftacak Tanimi Tascasse.