Ayyuntiino Fantaxawitte Diggossa Labbat Affafitte

Addis Ababa,Ximolik 23,2018 (FMC) Labbat Ayfaf Inki Baaxok Qidaddoh Fantaxawitte Diggossa Meqem Kaban Gita Kinni.

Kulli Numu Leh Yan Dagoo Ixxigay,Wakti Kee Libdok Kalah Yan Mara Xamqisak Mano Milaaganamih Dudda .

Labbat Ayfaf Kulli Numu Maksab Goranay,Tonnah Lakqo Goranah Aban Taama Hinnay Safa Le Kalbi Amrissa Isinnih Heenih Yaaxigeenih Axigewan Mara catanama Kinni.

Sehdayti Baxa Fanteena Abak Taamitta Qikkibow Doolata Labbat Ayfaf Kee Meqe Mariino Taamomi Kulli Dariifal Dadalak Akah Gexxannah Kaxxa Macal Abte.

Labbat Ayfaf Afaay,Diiniy,Agattina Mexaanamak Currik Tan Yallih Sabbat Taama Kinnim Kee Ta Abto Akah Abaanama Mesenkaca Rufto Kinni.

Yallih Sabbatah Aban Meqe Mariino Taama Asaaku Ayyunta Catanamah Qokolanamak Kalah Beera yallih Garil Kaxxa Ajri Le Taama.

Amo Beyak Takke Taamomi Qabala Yaceenimiy,Barittoh Uwwaytu Yaceenimiy,Karma Baritto Diggosanamay,Qaafiyat Affafitte Taamomi Abanamay,Idoola Kee Xaylo Akak Rabte Inonti Kee Gubun Catak Aban Meqem Taama Kinni.

Itiyyobiyah Xaylo Elle Tamixxigeh Tan Sitta Qokol Qaada Dadlisoonuh Dariifa Anxaxinaanam kee Guddafa Le Dariifak Guddafa Kalanamal Baar Le Doori Digiran.

Ta Abtoh Addat Tan Sittin Qokol Taamomi Yifhimeh Yan Qunxaaneyti Kulli Karmah Ta Labbat Ayfaafih Taamat Angaluk Malaayiinil Lowmita Lakqo Tayyaqem Duude Raxxe Taamomi Qunxaaneyti Gabat Aglel Tekke.