Baagumek 5 Beerih ayroh waynabo 2018 liggidak elle caboh ayroh tani qaxmeqe gurral assakaxxuk maacisen
Beerih ayro (Itiyoppiyah saadah) inta maxcol baaxo caddol yassakaxxen baagumek 5haytoh ayro Rakaakay caddol baxaabaxsale itroora kee abinittel yessekexxen
Ta waynabol geytimaak farmo tatruseh yan Rakaakayak ciggiila perezdenti massakaxxale Qumar Nuur Qarba Beerih ayro qusba macasabaay qusba kas kee technologyl rakiibole qusba taama eddebtakkuh akah bican ayro kinnim kassiiseeh
Leh yan qunxa mariinot taama ginam xiqtaah beerih ayro baaxo kunnabna dacrissam xiqta hora tanuh beerih ayroh macsaba taama sinna bayisaanam kee qasriinole gurral takke taamah technology rakiiboh taallem faxximtam yubluuse
Itooiyah caddol milaagi itopiya yayse aydaadu taalluhuuy itopiyah fayya waartuh milaagi uddur qunxaaneytah taama ginaanamaay abud bicitte massoosak madduurul isinni akah xiqan innah qimbitimte taamoomi tanim qaddoosaak qimbitimte itopiyah fayya waarle gurral mannowtuh taamitaanam faxximtam kassiise
Beerih ayroh tacsobo qusbabtaama edde takke qusba technoloojih taamah tacsabo tanim faxximtam kee qusba itopiyaay qusba qafar edde ginnimtu taamitaanam faxximtaamih farmo tatruse
Rakaakayak sadar ayfaafayih biiroh saqa gifta Macammad Acmad ta waynaboh unkaq muquk temeeteeni farmo tatruseek gamadal awayih uddur tatre warguk baritak away takke taamal yamaate warguh meqe tacsabo kee niya luk baaxo dadal kee inkittiinoh diggale niyalbtaamitaanam faxximtam kassiise
Taway naboh addataay Rakaakayak fayyale miraaciini koora inki ayfaafayih fanteenal taama elle takkennih wagittoh abeenih yanin gufnel koora inki fanteenal taama elle gexsittanni assakatlem qaddoosak afanteenak away tankusem xayi udduurut kibak ayyunti amolladi ayfaf inkikkeek akah geyannih taamak kulli exxa isi loftak awquk taamiteloonum yiysixxigen
Ellecaboluuy meqe taama abteh tan biiroora kee maglableelah faatit sumaqta kee dahab kaaqonta acayuk qusba sanat qusba tayse taamah inta maxcol meqennal yumurruqe