Baaxo Caddol Gexsitak Suge Mabbalow Assakatal Yumurruqe-Komishin
Addis Ababa,Ximolik 16,2018 (FMC) Ditelik 8 Xabba Haanam Gexsitak Suge Baaxoh caddoh Mabbalow Assakat Lennal Yumurruqem Itiyoppiyak Agaarad Komishin Qaddose.
Tama Komishinik Ciggilta Komaihineera Herut G/Sellase Mabbalow Kobox Gaba Kalem Wagsiisak Mangaffa Rettimaamih Tece Maybalalqala Ta Aydaadi Koboxul 4Alfi Takke Itiyoppiyah Xaylo Sittallih Gacak Kaxxa Faxximtah Tan Bacar Takke Baaxo Caddoh Ajendaadil Walalak Sugeenim Tescesse.
Mabbaloweenit Dumaahi Wakti Augteh Tan Sittin Waytitteh fidga Takke Mablo Cayyosak Komshinil Xayyosenim Tiysixxige.
Tama Gexsol Mabbalowenit Inki Inki Caagidal Xabcinuk Sittin Gey Gufeenim Kee Inki Inki Caagidal Kaadu Baar Le Wakti Beyak Diggale Walal Abak Ellecabol Mango Caagidal Sittin Gey Gufeenim Qaddosse.
Ta Komishin Gexso Kattatak Inkih Yan Mabbalow Gudgud Ankacisak Konnabna Kee Xiiqil Gexisak Sugeenimit Yabte.
Agat Fayih Gexsitik Hadaf Baxaabaxsale Wagitah Tan Dagorti Elle Walaloonuh Saami Ginaanamaay, Sittaluk Geyanam kee Sittaluk Focah Gexaanam Kinnim Baxxaqisse.
Baaxoh Caddoh Mabbalow Yaysik Gaci Baxsanam Hinnay Tonnah Garu Gacsisak Garu Yaysiseenimih Gexsitik Sugewaytem Tescesse.
Ciggilta Naharsi Komishinera Hirut G/Sillase Elle Qaddosennal Ta Fayxih Gexsitl Itiyoppiyah Xaylo Sitta Baritteh Maqarle Angaaraw Xisak Baxaabaxsa Le Mabla Ankacisak, Ni Baaxol Tanih Tan Taqabitte Wagsiisak Mabla Tabsak ellecaboh Sittin Gey Elle Gufenim Tiysixxige.
Ta Baaxoh Caddoh Mabbalow Itiyoppiya Baaxo Akkuk Sugteh Tan Mabla Baxsitte Walalal Yafdigeenim Elle Duudumte Aydaadi Mafadagak Sugtemit Yabte.